कत्तली पासुन सुटका केलेल्या ७८गाईचा ताबा गोशाळेकडेच. न्यायदंडाधिकारी यांचा निर्णय
वडगाव : वडगाव फाटा येथे मागील दोन महिन्यापूर्वी ७८ गोवंशाची कत्तली साठी वाहतूक करत असताना गोरक्षकांना आढळून आल्याने त्या संदर्भात वडगाव मावळ पोलीस ठाण्यात गुन्हा दाखल करण्यात आला होता. जनावरांची अवैधरित्या वाहतूक करताना सुटका केलेल्या ७८ गाईचा ताबा मिळवण्यासाठी संबंधित खरेदीदारांनी वडगाव मावळ न्यायालयात दाखल केलेला अर्ज प्रथम वर्ग न्यायदंडाधिकारी डोईफोडे यांनी फेटाळला असून गाईचा ताबा महावीर गोपाळकृष्ण गोशाळा ट्रस्ट कडे कायम ठेवण्याचा महत्त्वपूर्ण निर्णय दिला आहे.
गुन्ह्यातील जप्त गोवंशाचे मालक आपणच असल्याचे सांगत गोवंशाचा अंतिम ताबा मिळावा यासाठी खरेदीदारांनी न्यायालयात अर्ज केला होता. त्या अर्जावर सुनावणी होऊन वडगाव मावळ न्यायालयाने या संदर्भात दिलेल्या निकालपत्रात श्री महावीर गोपाळ कृष्ण गोशाळा ट्रस्टला गाईसाठी दररोज २०० रुपये देखभाल खर्च मिळवण्याचा अधिकार असल्याचे नमूद केले आहे.
तपास अधिकाऱ्यांनी गुन्ह्यात जप्त प्राण्यांची काळजी व भरण पोषण बाबतच्या निर्णयाची पूर्तता करावी व देखभाल खर्चाची रक्कम भरण्यासाठी अर्जदार मालकांनी तीन दिवसाच्या आत हमीपत्र द्यावे असा आदेश दिला आहे. न्यायालयीन कामकाज अॅड राजू गुप्ता यांच्या मार्गदर्शनाखाली अॅड पवन सुरेश भंडारी यांनी पाहिले तर महावीर गोपाळकृष्ण गोशाळा ट्रस्टच्या वतीने दर्शन वहिले, आकाश वारुळे न्यायालयात उपस्थित होते.
प्रतिनिधी =गणेश नामदेव भेगडे. ९९२१८०७०११
