कामशेत ग्रामस्थ व पोलीसांनी दाखवलेल्या तत्परते मुळे एका व्यक्तीचा जिव वाचला
कामशेत : रेल्वे स्टेशन परिसरात घडलेल्या प्रसंगात स्थानिक ग्रामस्थांनी व पोलिसांनी दाखवलेल्या तत्परतेमुळे एका व्यक्तीचा जीव वाचला. बुधवार दिनांक २० ऑगस्ट २०२५रोजी रात्री साडेआठ वाजता खडकाळे ग्रामपंचायतीच्या जुन्या पंपाच्या मागील बाजूने मदतीसाठी आरडाओरड ऐकू आला . आवाज ऐकून राजेश ढगे यांनी आवाजाच्या दिशेने धाव घेतली असता, इंद्रायणी नदीत एक व्यक्ती कठड्याला धरून उभा असल्याचे दिसले.
राजेश ढगे यांनी तात्काळ कामशेत पोलिस स्टेशनशी संपर्क केला असता तत्परतेने रोशन शिंदे, बंटी शिंगारे, अभिमन्यू शिंदे. संदेश पायगुडे व इतर ग्रामस्थ घटनास्थळी पोहोचले. सर्वांच्या मदतीने त्या व्यक्तीला सुरक्षित बाहेर काढण्यात आले. या कार्यात पोलीस नाईक निंबाळकर व इतर पोलीस बांधवांनीही मोलाचे सहकार्य लाभले . पोलिसांच्या व ग्रामस्थांच्या तत्परतेचे सर्वत्र कौतुक होत आहे.
ग्रामस्थांच्या जागरूकतेमुळे व पोलिसांच्या तत्परतेमुळे एक मोठी दुर्घटना टळली.
प्रतिनिधी =गणेश नामदेव भेगडे. ९९२१८०७०११
