तळेगावात सुहास गरुड यांच्यावर करणी करण्याचा प्रयत्न
तळेगाव दाभाडे : राष्ट्रवादी काँग्रेस पक्ष सामाजिक न्याय विभागाचे जिल्हाध्यक्ष सुहास बळीराम गरुड हे जनतेचे समाजाचे विविध प्रश्न सोडवण्यासाठी प्रयत्न करत असतात. समाजाच्या इनाम वर्ग ६ब च्या जागेच्या संदर्भात सुहास गरुड यांनी पुढाकार घेऊन जुन्या केसेस पुन्हा चालू केल्या आहेत.
या गोष्टीचा राग मनात धरून मंगळवार दिनांक २९जुलै २०२५ रोजी रात्री १०: वाजण्याच्या सुमारास सुहास गरुड यांच्यावर करणी करण्याच्या उद्देशाने एका अज्ञात महिलेने करणी केलेले हळद कुंकू लावलेले लिंबू सुहास गरुड यांच्या घरासमोरील गेटवरून आत टाकत अज्ञात महिला पसार झाली ही घटना सीसीटीव्ही मध्ये कैद झाली आहे.
अज्ञात महिलेने लिंबू व इतर वस्तू गेटच्या आत गाडीवरती टाकून घटनास्थळावरून पळ काढला आहे. अशा अघोरी कृत्यामुळे सुहास गरुड यांच्या जीविताला धोका निर्माण होऊ शकतो. म्हणून सुहास गरुड यांना पोलीस बंदोबस्त मिळावा अशी मागणी करण्यासाठी व घडलेल्या घटनेची तक्रार तळेगाव दाभाडे पोलीस स्टेशन मध्ये सुहास गरुड यांनी दिली आहे.
या घटनेचा व्हिडिओ सोशल मीडियावर व्हायरल होत आहे. अज्ञात महिलेच्या विरोधात पोलिसांनी जादूटोणाविरोधी कायद्याखाली गुन्हा दाखल करावा व त्या अज्ञात महिलेचा शोध घेऊन तिला अटक करावी अशी मागणी नागरिकांनी केली आहे.
प्रतिनिधी =गणेश नामदेव भेगडे. ९९२१८०७०११
