वडगाव फाट्यावरील वाहतूक कोंडीने नागरिक व वाहन चालक हैराण
वडगाव : मावळ तालुक्यातील वडगाव तळेगाव चाकण या मार्गावरील वडगाव फाट्यावर उड्डाणपूल नसल्यामुळे या चौकात दररोज मोठ्या प्रमाणात वाहतूक कोंडी होत आहे. ही वाहतूक सुरळीत करण्यासाठी दररोज पोलिसांना मोठी कसरत करावी लागत आहे.
पुणे ते मुंबई, मुंबई ते पुणे तसेच चाकण, तळेगाव महामार्गावरून येणारी जाणारी वाहने एकाच वेळी या चौकात येतात. त्यामुळे वडगाव फाट्यावर दररोज वाहतूक कोंडी होते. हि वाहतूक कोंडी सुरळीत करण्यासाठी या ठिकाणी पोलीस चौकी देखील आहे परंतु वाहनांची संख्या जास्त असल्याने पोलीस यंत्रणेवर कामाचा अतिरिक्त ताण असतो.
या ठिकाणी दररोज सायंकाळी ४ वाजल्यानंतर १ ते २ किलोमीटर पर्यंत वाहनांच्या रांगा लागलेल्या असतात. मध्यंतरी उपमुख्यमंत्री एकनाथ शिंदे यांनी घोषणा केली होती की देहूरोड( सेंट्रल चौक) सोमाटणे फाटा, लिंब फाटा, वडगाव फाटा, कार्ला फाटा येथे उड्डाणपूल उभारले जातील त्या घोषणेचे पुढे काय झाले ? असा सवाल आता नागरिक व वाहन चालक विचारू लागले आहे. या नित्याच्याच वाहतूक कोंडीमुळे नागरिक व वाहन चालक हैराण झाले आहेत.
प्रतिनिधी =गणेश नामदेव भेगडे. ९९२१८०७०११
