श्री डोळसनाथ महाराज मंदिरात कुमारिका पूजन सोहळा उत्साहात साजरा
तळेगाव दाभाडे: शहराचे ग्रामदैवत श्री डोळसनाथ महाराज मंदिर येथे शनिवार दिनांक २७ सप्टेंबर रोजी श्री डोळसनाथ महाराज मंदिर ट्रस्ट तर्फे शारदीय नवरात्री निमित्ताने कुमारीका पूजा. भोंडला.दांडिया. फुगडी. हळदी कुंकू समारंभाचे आयोजन करण्यात आले होते.
या सोहळ्यात तळेगाव दाभाडे शहरातील सरसेनापती उमाबाई दाभाडे प्राथमिक शाळा क्रमांक चार मधील१२५ विद्यार्थिनींनी व परिसरातील महिला भगिनींनी उत्साहाने सहभाग घेतला.
या कार्यक्रमात भोंडल्याची गाणी गात आनंदोत्सव साजरा केला. ह्या वेळी परिसरातील महिला, शाळेच्या मुख्याध्यापिका अनिता तिकोने, शिक्षिका निकिता शितोळे, प्राची लोमटे, वैशाली साबळे, ताहेरा बासडे, सोनाली घाटे आणि शिक्षकवृंद उपस्थितीत होत्या.
या कार्यक्रमाप्रसंगी सर्व मुलींना कुमारिका वाण म्हणून सावंत नांनीनी शालेय वस्तू भेट दिल्या. खिरापत, साखर फुटाणे, भेळ व प्रसाद वाटपाने कार्यक्रमाची सांगता झाली.अशा कार्यक्रम उपक्रमांमुळे विद्यार्थिनींना समाजात वावरण्याची संधी मिळावी, त्यांचे शारीरिक, मानसिक आरोग्य चांगले राहावे आणि आत्मविश्वास वाढावा हा ट्रस्टचा उद्देश असल्याचे श्री डोळसनाथ महाराज मंदिर ट्रस्टचे विश्वस्त राजेश सरोदे यांनी यावेळी सांगितले.
तसेच बुधवार दिनांक १ ऑक्टोंबर२०२५ रोजी श्री डोळसनाथ महाराज मंदिरात नवचंडी याग(होम), भजन हरिपाठ, देवीचा जोगवा, देवीसूक्त,देवीचा मंत्रजप, कालभैरवाष्टक,आरती आदी कार्यक्रम होणार आहेत.
प्रतिनिधी:गणेश नामदेव भेगडे.मो९९२१८०७०११
