सामूहिक अथर्वशीर्ष पठण कार्यक्रमाचे आयोजन
तळेगाव दाभाडे : शहरातील मानाचा पाचवा गणपती श्री गणेश तरुण मंडळ व श्री डोळसनाथ महाराज नागरी सहकारी पतसंस्था यांच्या संयुक्त विद्यमाने ऋषिपंचमीच्या दिवशी सामूहिक अथर्वशीर्ष पठणाचे आयोजन करण्यात आले आहे. हा कार्यक्रम गुरुवार, दिनांक २८ ऑगस्ट २०२५ रोजी सकाळी ७:३० वा. होणार असून तळेगावातील शाळा चौक येथील स्वर्गवासी कासाबाई भेगडे (पाटील) सभागृहात सामूहिक पठण पार पडणार आहे.
या कार्यक्रमाचे वैशिष्ट्य म्हणजे प्रत्येक सहभागी महिला भगिनींना आयोजकांकडून एक आकर्षक भेटवस्तू देण्यात येणार आहे. सामूहिक अथर्वशीर्ष पठणाचा हा उपक्रम यंदा १२व्या वर्षात पदार्पण करीत असून, गेल्या अनेक वर्षांपासून तळेगाव दाभाडे शहरात महिलांचा उत्स्फूर्त प्रतिसाद या उपक्रमाला लाभत आहे.
या संदर्भात पतसंस्थेचे आधारस्तंभ संतोष छबुराव भेगडे, पतसंस्थेचे अध्यक्ष शरद बबनराव भोंगाडे, तसेच गणेश तरुण मंडळाच्या अध्यक्षा सौ. राधिका चव्हाण-हेरेकर यांनी जास्तीत जास्त महिला भगिनींनी या सामूहिक अथर्वशीर्ष पठणामध्ये सहभागी व्हावे, असे आवाहन केले आहे.
अधिक माहितीसाठी संपर्क :
संध्या देसाई – ९०२८०९०९०७
रूपाली खंडागळे – ९१४६०६२४५७
प्रतिनिधी : गणेश नामदेव भेगडे – ९९२१८०७०११
