रोटरी क्लब ऑफ मावळ च्या वतीने विद्यार्थ्यांना आयडल स्टडी ॲप चे मोफत वाटप
तळेगाव दाभाडे : शहरातील नगर परिषदेच्या श्री संत ज्ञानेश्वर प्राथमिक शाळा व माध्यमिक शाळा क्रमांक २ व ६ मधील दहावीच्या १०४ विद्यार्थ्यांना रोटरी क्लब ऑफ मावळच्या वतीने आयडल स्टडी ॲप चे मोफत वाटप करण्यात आले.
या ॲपमुळे विद्यार्थ्यांची अभ्यासात कार्यक्षमता वाढेल तसेच शैक्षणिक प्रवासात विद्यार्थ्यांना या ॲपमुळे मदत होईल या उद्देशाने आयडल स्टडी अॅप चे मोफत वाटप करण्यात आल्याची माहिती रोटरी क्लब ऑफ मावळ च्या सचिव पत्रकार रेश्मा फडतरे यांनी दिली.
या उपक्रमामध्ये रोटरी क्लब ऑफ मावळचे अध्यक्ष विशाल सांगडे, सचिव रेशमा फडतरे, प्रकल्प प्रमुख राजेंद्र दळवी, केशव मांगने, संतोष सावंत, नवनाथ चव्हाण, दीपक चव्हाण, हेमा देशमुख, शाहिन शेख, आदी उपस्थित होते. मुख्याध्यापिका वसुंधरा माळवदकर यांनी विद्यार्थ्यांना मार्गदर्शन केले. स्टडी ॲपचे वाटप केल्याने विद्यार्थ्यांच्या चेहऱ्यावर आनंद पाहायला मिळाला. कार्यक्रमाचे सूत्रसंचालन अनिल गाभणे यांनी केले.
प्रतिनिधी =गणेश नामदेव भेगडे. ९९२१८०७०११
