तळेगावात श्री संत ज्ञानेश्वर महाराज सुवर्ण महोत्सवी वर्षानिमित्त भव्य पालखी सोहळा
तळेगाव दाभाडे : शहरात नगर परिषदेच्या वतीने शुक्रवार दिनांक १५ ऑगस्ट रोजी सायंकाळी श्री संत ज्ञानेश्वर महाराज यांच्या सुवर्ण महोत्सव वर्षा निमित्त पालखी सोहळ्याचे आयोजन करण्यात आले होते. या पालखी सोहळ्यात तळेगाव दाभाडे नगरपरिषदेच्या शाळेतील असंख्य विद्यार्थिनी वारकऱ्यांच्या पारंपारिक वेशभूषेत सहभागी झाले होते. हातात भगव्या पताका घेत ज्ञानोबा माऊली तुकाराम असा गजर करत मृदुंगाच्या तालावर विद्यार्थिनींनी भजने म्हटली यावेळी शहरातील नागरिकांनी पालखीचे दर्शन घेत या सोहळ्यास उत्स्फूर्त प्रतिसाद दिला.
नगरपरिषदेचे मुख्याधिकारी विजयकुमार सरनाईक यांच्या मार्गदर्शनाखाली कर निरीक्षक मोनिका झरेकर, शहर अभियंता गौरी चव्हाण, लिपिक प्रवीण माने, शिपाई अनिल इंगळे, बाळासाहेब पवळे, प्रवीण शिंदे, चंद्रशेखर खेते, रुपेश देशमुख आदी नगरपरिषद कर्मचाऱ्यांनी पालखी सोहळ्याचे नियोजन केले.
यावेळी मुख्याध्यापिका वैशाली राजेंद्र मिरगे, अनिता तिकोणे, संध्या कुलकर्णी, वर्षा थोरात, वसुंधरा माळवदकर, संजय चांदे, मयुरेश मुळे या शिक्षकांसह अनेक विद्यार्थिनी या पालखी सोहळ्यात सहभागी झाले होते.
नगरपरिषद कार्यालयासमोरून या पालखी सोहळ्याची सुरुवात झाली. फुलांनी सजवलेली संत ज्ञानेश्वर महाराजांची पालखी मारुती मंदिर चौक ते राजेंद्र चौक मार्गे बाजारपेठेतून गणपती चौक ते शाळा चौकातील ऐतिहासिक विठ्ठल मंदिरात संत ज्ञानेश्वर महाराजांच्या आरतीने पालखी सोहळ्याची सांगता झाली.
प्रतिनिधी =गणेश नामदेव भेगडे. ९९२१८०७०११
