तळेगाव चाकण रस्त्यावर खड्ड्यात झाडे लावून आंदोलन
तळेगाव दाभाडे : तळेगाव चाकण रस्त्यावर तळेगाव स्टेशन येथे जुन्या सेवाधाम हॉस्पिटल समोर रस्त्यावरील खड्ड्यांच्या समस्येवर तळेगाव चाकण कृती समितीच्या कार्यकर्त्यांनी खड्ड्यामध्ये झाडे लावून अनोखे आंदोलन केले व प्रशासनाचा निषेध केला
गुरुवार दिनांक २१ ऑगस्ट २०२५ रोजी दुपारच्या वेळेत कृती समितीच्या दिलीप डोळस, मिलिंद अच्युत, प्राध्यापक नितीन फाकटकर, कल्पेश भगत आदी कार्यकर्त्यांनी तळेगाव चाकण रस्त्यावर पडलेल्या खड्ड्यात झाडे लावून अनोखे आंदोलन केले व या खड्ड्याच्या समस्येकडे प्रशासनाचे लक्ष वेधले. यासंदर्भात बोलताना कृती समितीचे दिलीप डोळस म्हणाले की तळेगाव चाकण महामार्गाची खड्ड्यांमुळे अक्षरशः चाळण झाली असून पावसाचे पाणी तुंबल्याने या रस्त्याची गटारासारखी अवस्था झाली आहे.
कार, दुचाकी व अन्य वाहनांकरता हा रस्ता जीवघेणा बनला आहे. राष्ट्रीय महामार्ग विभाग जबाबदारी झटकत आहे व या रस्त्याकडे दुर्लक्ष करत आहे. गेल्या पाच वर्षात २५० पेक्षा अधिक निष्पाप नागरिकांचा या खड्ड्यांनी बळी घेतले आहे. रस्त्यावरील खड्ड्यांमुळे रोजच वाहतूक कोंडी होत असून लवकरात लवकर पक्की दुरुस्ती न केल्यास चक्काजाम आंदोलन करण्याचा इशारा कृती समितीने दिला आहे.
प्रतिनिधी =गणेश नामदेव भेगडे. ९९२१८०७०११
