कान्हे, साते, मोहिते वाडी, ब्राह्मण वाडी येथे वारंवार होणाऱ्या खंडित वीजपुरवठ्याच्या बाबत महावितरणच्या अधिकाऱ्यांना निवेदन देण्यात आले
वडगाव : मावळ तालुक्यातील कान्हे. साते. मोहिते वाडी. ब्राह्मण वाडी या गावांमध्ये गेली ६ महिन्यापासून रोज किमान ३ तास वीजपुरवठा वारंवार खंडित होत असतो. मोहिते वाडी.कान्हे. गावामध्ये किमान २०० च्या वर दूध आणि ५००च्या वर किरकोळ दुकानदार आपले पोट भरत असताना वीजपुरवठा वारंवार खंडित होत असून यासंदर्भात महावितरणच्या अधिकाऱ्यांशी संपर्क साधल्यावर कायम फॉल्ट शोधणे आणि अपुरे मनुष्यबळ आहे असा निरोप सदरील गावकऱ्यांना दिला जातो.
वीजपुरवठा वारंवार खंडित होत असल्याने दूध खराब होणे तसेच अन्य अडचणी निर्माण होत आहे अनेक गावांमध्ये वयोवृद्ध नागरिक, लहान मुले, आजारी नागरिक राहतात अशा वेळी वीजपुरवठा वारंवार खंडित होत असल्याने नागरिकांनी काय करावे? असा प्रश्न उपस्थित करत अनेक नागरिकांनी वडगाव येथील महावितरण कार्यालयाला भेट देत व इतकी मोठी व्यवस्था असताना मनुष्यबळ अपुरे का? वारंवार विद्युत पुरवठा खंडित का केला जातो
असे अनेक प्रश्न विचारत नागरिकांनी महावितरणच्या अधिकाऱ्यांना निवेदन दिले आहे व सदर बाबीवर लक्ष घालून आमचा वीजपुरवठा सुरळीत करून द्यावा अन्यथा पुढील १० दिवसात महावितरणच्या कार्यालयावर धडक मोर्चा घेऊन येऊ असा इशारा सदरील गावातील नागरिकांनी दिला आहे. निवेदन देताना कान्हे, साते, मोहितेवाडी, ब्राह्मण वाडी येथील अनेक ग्रामस्थ उपस्थित होते.
प्रतिनिधी =गणेश नामदेव भेगडे. ९९२१८०७०११
