इंदोरी – वाड्यावस्त्यांवर प्रशांत दादा भागवत यांना उत्स्फूर्त प्रतिसाद
राजपुरी-जांभूळ, साते मोहितेवाडी, ब्राह्मणवाडी येथे गणेश मंडळांच्या भेटीदरम्यान जल्लोषात स्वागत
मावळ तालुका – जिल्हा परिषद निवडणुकीचे इच्छुक उमेदवार प्रशांत दादा भागवत यांचा मावळातील विविध वाड्यावस्त्यांवरील दौरा उत्साहात सुरू आहे. नुकत्याच झालेल्या दौर्यात राजपुरी-जांभूळ, साते मोहितेवाडी आणि ब्राह्मणवाडी या गावांमध्ये ग्रामस्थांनी त्यांचे जल्लोषात स्वागत केले.
गावागावात फटाक्यांच्या आतषबाजीसह घोषणाबाजी करत तरुणांनी दादांना उत्स्फूर्त प्रतिसाद दिला. स्थानिक गणेश मंडळांच्या वतीने पारंपरिक ढोल-ताशांच्या गजरात त्यांचे स्वागत करण्यात आले. या जल्लोषामुळे वातावरणात निवडणुकीपूर्वीच राजकीय चैतन्य पसरले.
या भेटीदरम्यान प्रशांत दादा भागवत यांच्यासोबत नवनाथ पडवळ, रवी कटलक, संतोष जांभूळकर, जालिंदर शेटे, प्रकाश अगाळमे, विठ्ठल मोहिते, रामदास शिंदे, संकेत शिंदे, भानुदास शिंदे, सरपंच शशिकांत शिंदे, तुषार आगळमे, सचिन खाणेकर, चंद्रशेखर नवघणे, संतोष काकरे, अॅड. प्रणव गाडे, रामेश्वर नवघणे, जतिंद्र बोर्हाडे, कुणाल बोर्हाडे, अमोल पोटवडे आदी मान्यवर उपस्थित होते.
स्थानिक ग्रामस्थांनी बोलताना सांगितले की, “प्रशांत दादा भागवत यांचा साधा, जमिनीवरचा स्वभाव आणि युवकांसाठीची सकारात्मक विचारसरणी यामुळे त्यांना गावागावातून प्रचंड प्रतिसाद मिळतोय. ग्रामविकासासाठी तरुण नेतृत्वाची गरज आहे आणि दादांच्या रूपाने हे नेतृत्व आम्हाला लाभणार आहे.”
दरम्यान, जिल्हा परिषद निवडणुकीच्या पार्श्वभूमीवर प्रशांत दादा भागवत यांचा ग्रामदौरा अधिक वेग घेत असून, गावोगाव मिळणारा उत्स्फूर्त पाठिंबा त्यांची ताकद वाढवत आहे. आगामी निवडणुकीत या जनसमर्थनाचे रूपांतर दणदणीत यशात होईल, असा विश्वास स्थानिक कार्यकर्ते व्यक्त करत आहेत.
