शाळेच्या रस्त्याचे काम पूर्ण झाल्याने माजी विद्यार्थ्यांनी मानले आमदार सुनील शेळके यांचे आभार
तळेगाव दाभाडे: शहरातील अॅड पुरुषोत्तम वासुदेव परांजपे(पु.वा. परांजपे) शाळेच्या अंतर्गत रस्त्याच्या दुरुस्तीचे व डांबरीकरणाचे काम नुकतेच पूर्ण झाले या रस्त्याच्या कामासाठी आमदार सुनील शेळके त्यांनी दिलेल्या विकास निधीतून सदरील रस्त्याचे काम पूर्ण झाले.
अॅड. पु. वा. परांजपे शाळा प्रशासनाकडून शाळेचे मुख्याध्यापक पांडुरंग पोटे, संपत गाडे, तसेच शाळेचे सन १९९५ च्या बॅचचे माजी विद्यार्थी संजय बाविस्कर, अमोल बुडखले, अनिरुद्ध जोशी, निलेश कोतुळकर, हेमंत घोडेकर, मिलिंद ठावगे, नितीन खोल्लम, प्रशांत गुमल, सचिन हेंद्रे, कमलेश होनावळे, या माजी विद्यार्थ्यांनी आमदार सुनील शेळके यांची भेट घेऊन त्यांना औपचारिक आभार पत्र देऊन त्यांच्या सहकार्याबद्दल कृतज्ञता व्यक्त केली.
शाळेचे मुख्याध्यापक पांडुरंग पोटे यांनी आमदार शेळके यांचे आभार मानताना सांगितले की रस्ता दुरुस्ती मुळे विद्यार्थ्यांचे शाळेत येणे जाणे सुखकर झाले आहे. याप्रसंगी आभार स्वीकारताना आमदार सुनील शेळके म्हणाले की विद्यार्थी व शिक्षण संस्थांच्या विकास यांना माझ्या विकास कामांमध्ये विशेष प्राधान्य दिले जाते.
भविष्यात शाळेसाठी कोणत्याही स्वरूपाची मदत लागलीस मी निश्चितपणे सहकार्य करीन असे देखील आश्वासन आमदार शेळके यांनी दिले. तसेच गुणवत्ता संवर्धन अभियानात शाळेचा तालुक्यात प्रथम क्रमांक व जिल्ह्यात द्वितीय क्रमांक आल्याबद्दल आणि संस्थाचालक शिक्षण संस्था ग्रामीण यांच्यावतीने आदर्श शाळा पुरस्कार मिळाल्याबद्दल शाळेची शिस्त. गुणवत्ता. विद्यार्थी संख्येत झालेली वाढ. शाळेत झालेल्या सर्व भौतिक सुधारणा बाबत आमदार सुनील शेळके त्यांनी विशेष अभिनंदन केले.
यावेळी माजी विद्यार्थ्यांनी देखील आपले मनोगत व्यक्त करत शाळेच्या पुढील विकासासाठी कटिबद्ध राहण्याचे आश्वासन दिले आहे.
प्रतिनिधी =गणेश नामदेव भेगडे. ९९२१८०७०११
