किल्ले लोहगडवर विजय दिनाचे आयोजन
भाजे : छत्रपती संभाजी महाराजांच्या बलिदाना नंतर स्वराज्यातील अनेक किल्ले मुघलांकडे गेले होते. मुघल सरदार मन्सूर खान बेग याने मराठ्यांच्या ताब्यातून दगलबाजीने लोहगड किल्ला हस्तगत केला. त्यानंतर मन्सूर खान बेग याने एका मुघल सरदाराची लोहगडावर किल्लेदार म्हणून नियुक्ती केली होती.
या मुघल किल्लेदाराने आई एकविरा देवीच्या मंदिराचा काही भाग उध्वस्त केला होता. याचा बदला घेण्यासाठी इ स १६९२ मधील श्रावण महिन्यात मराठा सरदार नावजी बलकवडे आणि मराठा सरदार विठोजी कारके यांनी भर पावसात या मुघल किल्लेदारावर हल्ला करून लोहगड जिंकून घेतला आणि त्या अत्याचारी किल्लेदाराचा शिरच्छेद करून त्याचे शीर आई एकविरेला अर्पण करून सूड घेतला.
या पवित्र स्मृतिदिनानिमित्त गुरुवार दिनांक ७ ऑगस्ट २०२५ रोजी किल्ले लोहगडावर विजय दिनाचे आयोजन करण्यात आले आहे. सकाळी ९: वाजता लोहगडावरील महादेवाला अभिषेक व पूजा होणार आहे. सकाळी १०: वाजता लोहगड प्रवेशद्वार ते शिवस्मारक या मार्गावर ढोल ताशाच्या गजरात पालखी मिरवणूक निघेल. दुपारी ११: वाजता मान्यवरांचे स्वागत व प्रस्ताविक. दुपारी ११:१५ मान्यवरांचे मार्गदर्शन. दुपारी १२:३० महाप्रसादाचे आयोजन करण्यात आले.
असून ज्येष्ठ इतिहास संशोधक पांडुरंग बलकवडे, रायगड स्मारक समितीचे सचिव सुधीर थोरात, इतिहास संशोधक डाॅ प्रमोद बोराडे, इतिहास संशोधक अॅड. रवींद्र यादव, लोहगड विसापूर विकास मंचाचे संस्थापक सचिन टेकवडे, शिवव्याख्याते प्राध्यापक प्रदीप कदम, शिवदुर्ग रेस्क्यू चे सुनील गायकवाड, हे मान्यवर प्रमुख पाहुणे म्हणून उपस्थित राहणार आहे.
तरी लोहगड विजय दिनाला शिवभक्तांनी बहुसंख्येने उपस्थित राहावे असे आवाहन श्री रायगड स्मारक मंडळ, सरदार नावजी बलकवडे स्मृती प्रतिष्ठान, सरदार विठोजी कारके स्मृती प्रतिष्ठान यांनी केले आहे.
प्रतिनिधी =गणेश नामदेव भेगडे. ९९२१८०७०११
