किल्ले लोहगड व विसापूर वरील शिवमंदिरात श्रावणी सोमवारच्या अभिषेकाची अखंडित परंपरा
भाजे : श्री शिवाजी रायगड स्मारक मंडळ संचलित लोहगड विसापूर विकास मंचाच्या वतीने गेली २५ वर्षे लोहगड वरील शिवमंदिरात तसेच, गेली १० वर्षे विसापूर वरील शिवमंदिरात श्रावणी सोमवार निमित्त अभिषेक करण्यात येतो. ही परंपरा या वर्षी देखील अखंडित राहिली. यामध्ये प्रामुख्याने स्थानिक ग्रामस्थ, मंचाचे कार्यकर्ते व पंचक्रोशील शिवप्रेमी यांचा सहभाग होता.
विसापूर किल्ल्यावरील अभिषेकाचे नियोजन अध्यक्ष विश्वास दौंडकर, कार्याध्यक्ष सागर कुंभार, अनिकेत आंबेकर, अजय मयेकर, सागर दळवी, अनिकेत घरदाळे, बाळकृष्ण कोंडभर, मुकुंद तिकोने, चेतन जोशी यांनी केले. तसेच लोहगड वरील अभिषेकाचे नियोजन संस्थापक सचिन टेकवडे, मार्गदर्शक संदीप गाडे, कैलास वाघमारे, मंगेश रवणे, सचिन निंबाळकर, गणेश उंडे, बसप्पा भंडारी, अमोल गोरे, ओंकार मेढी, सिद्धू जाधव यांनी केले. दोन्ही किल्ल्यावरील शिवमंदिर हे जागृत स्थान असल्यामुळे मोठ्या प्रमाणावर भाविक दर्शनासाठी गडावर येत असतात.
छत्रपती शिवाजी महाराज हे स्वतः शिवभक्त होते. त्यामुळे त्यांनी गडकिल्ल्यांवरती शिवमंदिरे बांधून घेतलेली आपल्याला आढळतात. परंतु, लोहगड वरील शिवमंदिराच्या भोवती असलेल्या दगडी तटबंदी आता नामशेष झाल्या आहेत. तसेच, विसापूर किल्ल्यावरील शिवमंदिराच्या छपरावर असणारे पत्रे हे कधीही कोसळतील अशा अवस्थेत आहेत.
कारण त्या पत्राच्या आत मध्ये असलेले लाकूड हे पूर्णपणे कुजले आहेत. याकडे पुरातत्व विभागाने ताबडतोब लक्ष द्यावे. दोन्ही किल्ल्यावरील शिवमंदिरे पुन्हा आपले गतवैभव प्राप्त करतील अशा प्रकारचे जीर्णोद्धाराचे काम भारतीय पुरातत्व विभागाने करावे असे आवाहन या अभिषेकाच्या निमित्त संस्थापक सचिन टेकवडे यांनी केले.
प्रतिनिधी =गणेश नामदेव भेगडे. ९९२१८०७०११
