जिजामाता चौक ते तळेगाव स्टेशन रोडवरील धूसर झालेले गतिरोधक रंगवा. सामाजिक कार्यकर्ते मिलिंद अच्युत यांची मागणी
तळेगाव दाभाडे : येथील सामाजिक कार्यकर्ते मिलिंद अच्युत यांनी तळेगाव दाभाडे नगर परिषदेचे मुख्याधिकारी विजयकुमार सरनाईक यांच्याकडे लेखी निवेदन घेऊन जिजामाता चौक ते तळेगाव स्टेशन या रहदारीच्या मुख्य रस्त्यावर असलेल्या गतिरोधक वरील पांढरे पट्टे धुसर झाले असून पावसाळ्यापूर्वी ते रंगवण्यात यावेत तसेच या रोडवरील बेशिस्त पार्किंग केलेल्या वाहनांवर कारवाई करावी अशी मागणी मिलिंद अच्युत यांनी केली आहे.
दिलेल्या निवेदनात म्हटले आहे की जिजामाता चौक ते तळेगाव स्टेशन हा प्रमुख रस्ता असून या रस्त्यावर मोठ्या प्रमाणात वाहतूक सुरू असते. असेच या रस्त्यावर प्रचंड प्रमाणात बेशिस्त कार पार्किंग करण्यात येत आहे आणि मोठ्या प्रमाणात फुटपाथ वरील अनधिकृत व्यवसाय करणारे देखील जागा आडून ठेवत आहेत. त्यामुळे वाहतुकीचा खोळंबा या प्रमुख रस्त्यावर सतत जाणवत असल्याने त्वरित सदरील रस्त्याला वाहतूक साठी मोकळा करून द्यावे असे दिलेले निवेदनात म्हटले आहे.
जिजामाता चौक ते तळेगाव स्टेशन या मुख्य रस्त्यावर गतिरोधकांवरील पांढरे पट्टे धुसर झाल्याने वाहन चालकांना गतिरोधकाचा अंदाज येत नाही. त्यामुळे या रस्त्यावर वरचेवर लहान मोठे अपघात घडत आहेत. गतिरोधकाच्या ठिकाणी तातडीने पांढरे पट्टे मारणे गरजेचे आहे. तसेच पुढे गतिरोधक आहे असे फलक लावणे आवश्यक आहे. या रस्त्यावर बेशिस्त वाहन चालकांवर कारवाई करण्यात यावी. अशी मागणी सामाजिक कार्यकर्ते मिलिंद अच्युत यांनी केली आहे.
प्रतिनिधी : गणेश नामदेव भेगडे
