जुना खंडाळा येथे झालेल्या घरफोडी प्रकरणातील ३० लाखाचा ऐवज हस्तगत या घरफोडी प्रकरणी आंतरराज्यीय सराईत गुन्हेगारास अटक करण्यात आली आहे
लोणावळा : शहरातील जुना खंडाळा येथील एका बंद असलेल्या घरात झालेल्या घरफोडी प्रकरणी पुणे ग्रामीण स्थानिक गुन्हे शाखा आणि लोणावळा शहर पोलिसांनी संयुक्त कारवाई करत आंतरराज्यीय गुन्हेगारास अटक केली असून त्याच्याकडून तब्बल ३० लाख रुपयाचा मुद्देमाल हस्तगत केला आहे.
या घरफोडी प्रकरणी दि ९जुन २०२५ रोजी लोणावळा शहर पोलीस ठाण्यात बिना मुळे(वय ६५) यांनी फिर्याद दिली होती. या घरफोडी मध्ये ४७ तोळे सोने आणि २ किलो चांदी असा सुमारे २९ लाख २६ हजार रुपयांचा ऐवज या चोट्याने लंपास केला होता. या घरफोडी प्रकरणी पुणे ग्रामीण पोलीस अधीक्षक संदीप सिंह गिल यांच्या मार्गदर्शनाखाली स्थानिक गुन्हे शाखेचे पथक तपास करत होते.
सदरील गुन्ह्याच्या अनुषंगाने लोणावळा स्टेशन परिसरातील सीसीटीव्ही फुटेज तपासण्यात आले होते त्यात तिघे चोरटे रेल्वेने पिंपरी चिंचवड कडे जाताना आढळून आले. दिनांक १६ जुन २०२५ रोजी स्थानिक गुन्हे शाखेला मिळालेल्या गोपनीय माहितीनुसार वडगाव मावळ येथे सापळा रचून दोन आरोपींना अटक करण्यात आली.
अटक करण्यात आलेल्या या आरोपींची नावे चंद्रकांत उर्फ चंदू माने(वय ३२ राहणार चिंचवडगाव) आणि धनंजय काळे( वय २० राहणार चिंचवडगाव) यांनी सदरील गुन्ह्याची कबुली दिली. पोलिसांनी अधिक तपास केला असता चोरी केलेला ऐवज दीपक मदगे ( राहणार कर्जत) आणि कैलास जाट ( राहणार वाशी) यांच्या मदतीने विकल्याचे निष्पन्न झाले. त्यांच्या ताब्यातून पोलिसांनी ३४तोळे सोने. २ किलो चांदी असा एकूण ३० लाख रुपयाचा ऐवज जप्त केला आहे.
प्रमुख आरोपी चंद्रकांत माने हा आंतरराज्यीय सराईत गुन्हेगार असून त्याच्यावर ५०हुन अधिक गुन्हे कर्नाटक. सोलापूर. चेन्नई. पुणे. पिंपरी चिंचवड येथे दाखल आहेत. काही दिवसापूर्वीच प्रमुख आरोपी चंद्रकांत माने हा चेन्नई येथील गुन्ह्यातून जामिनावर सुटून बाहेर आला होता. सदरची कामगिरी पुणे ग्रामीण पोलीस अधीक्षक संदीप सिंह गिल, अपर पोलीस अधीक्षक रमेश चोपडे, प्रभारी उपविभागीय पोलीस अधिकारी अमोल मांडवे, यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळिमकर, लोणावळा शहर पोलीस निरीक्षक राजेश रामाधरे, स्थानिक गुन्हे शाखेचे पोलीस शिपाई अभिजीत सावंत, लोणावळा शहर पोलीस ठाण्याचे सहाय्यक पोलीस निरीक्षक राहुल लाड, पोलीस शिपाई रमेश भिसे, पोलीस शिपाई सूर्यकांत वाणी, स्थानिक गुन्हे शाखेचे पोलीस अंमलदार राहुल पवार, सागर नामदास, विराज जाधव, तुषार भोईटे, अमोल शेडगे, वैभव सावंत, समाधान नाईक नवरे, समीर तांगडे, पोलीस शिपाई मुकुंद कदम, लोणावळा शहर पोलीस ठाण्याचे पोलिस अंमलदार संदीप मानकर, अविनाश जाधव, तुषार भोसले, यांनी केली असून पुढील तपास लोणावळा शहर पोलीस ठाण्याचे स्थानिक गुन्हे शाखेचे पथक करत आहेत.
प्रतिनिधी =गणेश नामदेव भेगडे. ९९२१८०७०११
