ज्येष्ठ नागरिक मार्गदर्शन शिबिर उत्साहात संपन्न
दौंड, प्रतिनिधी : दौंड तालुक्यातील वासुंदे येथे ज्येष्ठ नागरिकांच्या विविध प्रश्नांवर मार्गदर्शन करणारे शिबिर उत्साहात पार पडले. या शिबिरामुळे ज्येष्ठ नागरिकांच्या शासकीय योजना, आरोग्यसुविधा व कायदेशीर हक्कांविषयी जागरूकता निर्माण झाली.
हे शिबिर ह.भ.प. दादासाहेब जगताप चॅरिटेबल ट्रस्ट आणि श्री भैरवनाथ शिक्षण प्रसारक मंडळ, वासुंदे यांच्या संयुक्त विद्यमाने श्री गुरूकृपा माध्यमिक विद्यालयात आयोजित करण्यात आले होते.
मार्गदर्शनाचे मुद्दे
कार्यक्रमाच्या प्रारंभी धनंजय जगताप यांनी प्रतिष्ठान विषयी प्रस्तावना केली व ज्येष्ठ नागरिक संघटन करण्याचे महत्त्व पटवून दिले.
यानंतर डॉ. पांडुरंग श्रीपतराव लाड यांनी ज्येष्ठ नागरिकांसाठी उपलब्ध विविध शासकीय योजनांची माहिती दिली. त्यामध्ये –
संजय गांधी निराधार योजना
श्रावणबाळ योजना
विधवा परित्यक्ता योजना
आरोग्य सुविधा
तीर्थदर्शन योजना
आईवडील व वरिष्ठ नागरिक चरितार्थ कल्याण अधिनियम २००७ – २०१० यांचा सविस्तर आढावा घेण्यात आला.
डॉ. लाड यांनी केवळ शासकीय योजनांची माहिती दिली नाही, तर सुखी व समाधानी जीवन जगण्याचे मार्ग स्पष्ट केले. यावेळी नागरिकांच्या शंकांचे निरसन करून त्यांच्या अडचणी समजून घेण्याचाही प्रयत्न करण्यात आला.
उपस्थिती आणि सहभाग
या शिबिरात भैरवनाथ ज्येष्ठ नागरिक संघ, हिंगणीगाड चे अध्यक्ष राजाराम बबन शिंदे, नागनाथ ज्येष्ठ नागरिक संघ, पाटस चे सदस्य ज्ञानोबा गणपत हळंदे तसेच अन्य पदाधिकारी उपस्थित होते. गावातील ४० पेक्षा अधिक ज्येष्ठ नागरिक या मार्गदर्शन शिबिराचा लाभ घेण्यासाठी हजर राहिले.
आभारप्रदर्शन
शिबिराच्या शेवटी ज्येष्ठ नागरिक संघाकडून सर्व उपस्थितांचे मनःपूर्वक आभार मानण्यात आले. या उपक्रमामुळे वासुंदे परिसरातील ज्येष्ठ नागरिकांमध्ये जाणीव, आत्मविश्वास व समाधानाची भावना निर्माण झाली आहे.
