तळेगावात गणेश मूर्ती बनवण्यासाठी कारागिरांची लगबग
तळेगाव दाभाडे : गणेशोत्सव साधारण महिन्याभरावर आला असून तळेगाव दाभाडे शहरातील कुंभार वाड्यात गणेश मूर्ती तयार करण्याच्या कारखान्यातून कारागिरांची लगबग सुरू झाली आहे. नाखवा होडी. पक्षी प्राण्यांवर विराजित गणेश. जय मल्हार. जय हनुमान. बालगणेश. शिव अवतार इत्यादी प्रकारातील गणेश मूर्तींना विशेष मागणी आहे.
तळेगाव शहर व पंचक्रोशीत दरवर्षी सुमारे १४ ते १५ हजार गणेश मूर्तींची घरगुती व सार्वजनिक मंडळामध्ये प्रतिष्ठापना केली जाते. या पार्श्वभूमीवर स्थानिक मूर्तिकार पारंपारिक पद्धतीने गणेश मूर्ती बनवताना दिसून येत आहे. तळेगावात गणेश मूर्ती तयार करणारे अनेक कलाकार असून ते पिठ्यानं पिढ्या याच व्यवसायात कार्यरत आहेत.
त्यामुळे शहरातील अनेक नामावंत मूर्तिकारांच्या गणेशमूर्तींना तळेगाव. मावळ तालुका. पुणे जिल्हा व जिल्हा बाहेर देखील मोठी मागणी असते. स्थानिक पातळीवर लागणाऱ्या मूर्तीसाठी सुमारे ६० टक्के मूर्ती तळेगावातीलच कलाकारांकडून तयार केल्या जातात. वातावरणात सुधारणा झाल्याने नैसर्गिक उन्हाचा लाभ मूर्तिकारांना मिळत असल्याने कामाला गती आहे. काही कलाकार तर जास्त वेळ काम करत असून मूर्ती वेळेत पूर्ण करण्यासाठी रात्रंदिवस मेहनत घेत आहेत. पांडुरंग कार्लेकर, सुरेश कुंभार, संतोष दरेकर, बबलू गाते, किशोर दरेकर, गणेश दरेकर, संभाजी कुंभार, योगेश कार्लेकर आदी कलाकार या क्षेत्रात वर्षानुवर्ष कार्यरत आहेत.
प्रतिनिधी =गणेश नामदेव भेगडे. ९९२१८०७०११
