तळेगाव दाभाडे नगर परिषदेत अटल बिहारी वाजपेयी जयंती साजरी
तळेगाव दाभाडे : भारताचे माजी पंतप्रधान स्वर्गीय अटल बिहारी वाजपेयी यांच्या जयंतीनिमित्त तळेगाव दाभाडे नगर परिषद कार्यालयात अभिवादन कार्यक्रम आयोजित करण्यात आला. या कार्यक्रमात स्वच्छता निरीक्षक दत्तात्रय ढवळे यांच्या हस्ते स्व. अटल बिहारी वाजपेयी यांच्या प्रतिमेस पुष्पहार अर्पण करून त्यांना आदरांजली वाहण्यात आली.
यावेळी नगर परिषद कार्यालयातील अधिकारी व कर्मचारी उपस्थित होते. कार्यक्रमास कर संकलन लिपिक प्रविण माने, मुकादम पुरुषोत्तम तेजी, प्रकाश मकवाना, आकाश बिडलान, ओंकार माने, नाईक अनिल इंगळे, चालक संतोष दाभाडे यांच्यासह नगर परिषदेतील कर्मचारी वर्ग उपस्थित होता. सर्व उपस्थितांनी स्व. वाजपेयी यांच्या कार्याचा व योगदानाचा गौरव करत त्यांना श्रद्धांजली अर्पण केली.
कार्यक्रमप्रसंगी कर संकलन लिपिक प्रविण माने यांनी मनोगत व्यक्त केले. त्यांनी आपल्या मनोगतात स्व. अटल बिहारी वाजपेयी हे दूरदृष्टी असलेले, लोकाभिमुख आणि सर्वसमावेशक नेतृत्व देणारे पंतप्रधान होते, असे नमूद केले. देशाच्या विकासासाठी त्यांनी राबवलेल्या धोरणांमुळे भारताला जागतिक स्तरावर नवी ओळख मिळाली, असेही ते म्हणाले. राजकारणासोबतच साहित्य, कविता आणि भाषणशैलीतून त्यांनी जनतेच्या मनात वेगळे स्थान निर्माण केले,
स्वच्छता निरीक्षक दत्तात्रय ढवळे यांनीही स्व. वाजपेयी यांच्या कार्याची आठवण करून देत त्यांच्या विचारांतून प्रेरणा घेऊन सार्वजनिक सेवेत प्रामाणिकपणे काम करण्याचे आवाहन केले. कार्यक्रम शेवटी उपस्थित सर्वांनी स्व. अटल बिहारी वाजपेयी यांच्या विचारांना उजाळा देत त्यांच्या स्मृतीस अभिवादन केले.
हा कार्यक्रम साध्या पण अर्थपूर्ण वातावरणात पार पडला.
प्रतिनिधी=गणेश नामदेव भेगडे.मो९९२१८०७०११
