पुणे जिल्ह्यात तीन नवीन महापालिका होणार उपमुख्यमंत्री अजित पवार यांची घोषणा.
चाकण : आज पहाटे राज्याचे उपमुख्यमंत्री अजित पवार हे चाकण भागातील वाहतूक कोंडीची पाहणी करण्यासाठी आले होते. यावेळी बोलताना त्यांनी पुणे जिल्ह्यात तीन नव्या महापालिका होणार असल्याची घोषणा केली. चाकण आणि परिसरात एक महापालिका हिंजवडी भागात एक महापालिका आणि मांजरी, फुरसुंगी, उरळी देवाची या भागात एक महापालिका करणार असल्याचे अजित पवार यांनी जाहीर केले.
अजित पवार म्हणाले की पुणे जिल्ह्यात प्रचंड वाहतूक कोंडीचा सामना नागरिकांना करावा लागत आहे. वाहतूक कोंडीमुळे चाकण, हिंजवडी हे आयटी आणि ऑटोहब क्षेत्र त्रासले आहेत. येथील अनधिकृत बांधकामे. वाहतुकीचा उडालेला बोजवारा यासाठी तेथील ग्रामपंचायती एवढ्या सक्षम नाहीत.
यामुळे कोणाला आवडेल किंवा नाही तरीही मी करणार असल्याचा इशारा त्यांनी दिला. तसेच तळेगाव ते शिक्रापूर मार्ग सहा पदरी करणार आहे. पुणे नाशिक हा एलिव्हेटेड मार्ग करू.
तुमची वाहतूक कोंडीच्या त्रासातून मुक्तता करू. चाकण एमआयडीसी मध्ये १५०० छोट्या मोठ्या कंपन्या आहेत. त्यात साडेतीन लाख कर्मचारी काम करतात. त्यामुळे या परिसरात रोज लाखभर वाहने ये जा करतात त्यांची वाहतूक कोंडी फोडावी लागणार असल्याचे अजित पवारनी म्हटले आहे.
प्रतिनिधी =गणेश नामदेव भेगडे. ९९२१८०७०११
