भारतीय पुरातत्व विभागाच्या वतीने स्वतंत्र दिनानिमित्त घोरावडेश्वर डोंगरावर ध्वजारोहण
शेलारवाडी : मावळ तालुक्यातील श्री क्षेत्र घोरावडेश्वर शेलारवाडी लेणी या ठिकाणी भारतीय पुरातत्व विभागाच्या वतीने स्वातंत्र्यदिनानिमित्त आज १५ ऑगस्ट रोजी सकाळी ७:३० वाजता शासकीय ध्वजारोहण संपन्न झाले.
यावेळी भारतीय पुरातत्व विभागाचे कर्मचारी संदीप पडवळ, रोहित कुमार, श्रीक्षेत्र घोरावडेश्वर देवस्थानचे मुख्य पुजारी / महंत/ विश्वस्त, योगी अमरनाथ बाबा, पुजारी हरी महाराज बोडके, विविध क्षेत्रातील मान्यवर व असंख्य शिवभक्त नागरिक उपस्थित होते.
पुरातत्व विभागाचे कर्मचारी यांनी देशा प्रती आदर व कर्तव्य या विषयी एक निष्ठ राहण्याची शपथ घेतली.महंत योगी अमरनाथ बाबा यांनी नागरिकांना आवाहन केले की श्री क्षेत्र घोरावडेश्वर शिव मंदिर व लेणी परिसराचे पावित्र्य राखावे.
प्रतिनिधी =गणेश नामदेव भेगडे. ९९२१८०७०११
