लोणावळ्यात वाढला गुन्हेगारीचा आलेख. पोलिसांनी कायद्याची कडक अंमलबजावणी करावी. वंचित बहुजन आघाडीची मागणी
लोणावळा : लोणावळा पोलिसांचा गुन्हेगारांवर वचक राहिला नसल्यामुळे शहरात सातत्याने वेगवेगळ्या प्रकारचे गुन्हे घडत आहेत. लोणावळ्यात गुन्हेगारीचा आलेख वाढलेला पाहायला मिळत आहे. महिला अत्याचाराच्या घटनांमध्ये मोठ्या प्रमाणात वाढ होत असल्याने नागरिकांमधून संताप व्यक्त केला जात आहे.
लोणावळा शहरामध्ये वाढलेली गुन्हेगारी. महिला अत्याचाराच्या घटना. मंदिरांमध्ये होत असलेली चोरी. सोनसाखळी चोरीचे प्रकार. खुलेआम पिस्तुलीचा धाक दाखवून लूटमार. शहरात वाढत असलेली नशेखोरी . खुलेआम ड्रग्स गांजा अमली पदार्थ विक्री हे प्रकार रोखण्यासाठी कायद्याची कडक अंमलबजावणी करण्याची मागणी वंचित बहुजन आघाडी मावळच्या पदाधिकाऱ्यांनी केली आहे.
या संदर्भात लोणावळा शहर पोलीस स्टेशनचे पी आय राजेश रामाघरे यांना वंचित बहुजन आघाडी मावळच्या पदाधिकाऱ्यांनी निवेदन देत सुमारे पाऊण तास चर्चा केली व पोलिसांनी कायद्याची कडक अंमलबजावणी करावी अशी मागणी केली.
यावेळी वंचित बहुजन आघाडीचे मावळ तालुका प्रसिद्धी प्रमुख प्रवीण रोकडे, लोणावळा शहराध्यक्ष लोकेश भडकवाड, महासचिव विशाल कांबळे, कार्याध्यक्ष संजय कांबळे. उपाध्यक्ष विशाल गायकवाड, रोहन कांबळे, प्रवक्ते अभिजीत धांडोरे, महासचिव रोहन गायकवाड, संघटक चितानंद चिचुरे, मीराताई मापारे आदी वंचित बहुजन आघाडीचे पदाधिकारी उपस्थित होते.
प्रतिनिधी =गणेश नामदेव भेगडे. ९९२१८०७०११
