वडगांव नगरपंचायतीच्या वतीने शुक्रवारी श्री संत ज्ञानेश्वर महाराज पालखी मिरवणूक
वडगांव मावळ : वडगाव शहरातील सर्व वारकरी सांप्रदाय, भाविक, नागरिक, सर्वपक्षीय पदाधिकारी व मान्यवर यांना नगरपंचायत द्वारे आवाहन करण्यात येते की, संतश्रेष्ठ श्री ज्ञानेश्वर महाराज यांचे सन २०२५ हे वर्ष सप्तशतकोत्तर सुवर्णमहोत्सवी ७५० जयंती वर्ष आहे.
त्याअनुषंगाने महाराष्ट्र शासनाच्या सूचनानुसार वडगाव नगरपंचायत मार्फत शुक्रवार दिनांक १५ ऑगस्ट २०२५ रोजी सायंकाळी ५ ते ७ या वेळेत श्री संतश्रेष्ठ ज्ञानेश्वर महाराज प्रतिमा/मूर्तीची पालखीतून मिरवणुकीचे आयोजन केले आहे पालखी चे प्रस्थान ग्रामदैवत पोटोबा महाराज देवस्थान मंदिर पासून ते खंडोबा मंदिर ते नगरपंचायत कार्यालय असे असणार आहे.
तरी शहरातील सर्व नागरिकांनी मोठ्या संख्येने उपस्थित राहून पालखी मिरवणुकीची शोभा वाढवावी. असे आवाहन मुख्याधिकारी तथा प्रशासक डॉ. प्रविण निकम यांनी केले आहे.
