वडगांव मावळ येथे भगवान महावीर जन्मकल्याणक दिवस थाटामाटात साजरा
वडगांव मावळ (प्रतिनिधी) शासनपती भगवान महावीर जन्म कल्याणक दिवस गुरुवार दि. १० एप्रिल २०२५ रोजी वडगांव मावळ येथे मोठ्या थाटामाटात संपन्न झाला. सकाळी प्रभातफेरी, आणि त्यानंतर श्री महावीर आनंद भवन येथे धार्मिक कार्यक्रम, लहान मुलांचे विविध गुणदर्शन , मंगलपाठ आणि प्रभावना वाटप असे कार्यक्रम संपन्न झाले.
यानिमित्ताने उपस्थित असलेल्या कर्नाटक केसरी प.पू.गणेशलालजी म. सा. आणि पंडितरत्न हीराकुंवरजी म. सा. यांच्या सुशिष्या जिनशासन चंद्रिका प.पू. उज्ज्वलाकुंवरजी म.सा स्पष्ट वक्ता प.पू. कीर्तीसुधाजी म.सा. आणि प.पू.उन्नतीश्रीजी महासतीजी यांचे भगवान महावीर यांच्या जीवनावर आधारित व्याख्यान संपन्न झाले.
नवनिर्वाचित पदाधिकारी म्हणून नियुक्त झालेले अध्यक्ष सुभाषचंद्र मुथा , सचिव डॉ.सुनील बाफना, खजिनदार सनी सुराणा यांचा श्री संघाच्या वतीने सन्मान करण्यात आला. वास्तुरचनाकार अक्षय कर्णावट यांचा देखील विशेष सन्मान करण्यात आला. ज्येष्ठ मार्गदर्शक, युवक, महिला आणि लहान मुले याप्रसंगी मोठ्या संख्येने उपस्थित होते.
सूत्रसंचालन सचिव डॉ. सुनील बाफना, प्रीतम बाफना, आशिष बाफना यांनी केले. आभार प्रदर्शन अध्यक्ष सुभाषचंद्र मुथा यांनी केले.
श्री जैन स्थानकवासी श्रावक संघ , युथ ग्रुप , महिला मंडळ , पाठशाळा मंडळ आदींनी नियोजन केले
