भारतीय जनता पार्टी वडगांव शहराने केले ३००० वारकरी बंधू भगिनींना ओ आर एस पॅकेट्स वाटप
भारतीय जनता पार्टी , वडगांव शहराच्या माध्यमातून श्री क्षेत्र पंढरपूर येथे पायी वारी करणाऱ्या वारकरी बंधू भगिनींना सुमारे ३००० ओ आर एस ( ओरल रिहायड्रेशन सोल्यूशन ) पावडर च्या पॅकेट्स चे वाटप करण्यात आले.
इंदापूर येथे जाऊन तेथे मुक्कामी असलेल्या संतश्रेष्ठ श्री तुकाराम महाराज पालखी समवेत असलेल्या , पायी चालणाऱ्या आणि विविध ठिकाणी राहुट्यांमध्ये जाऊन वारकरी बंधू भगिनींना या पॅकेट्स चे वाटप करण्यात आले.
इंदापुर येथेच मावळ तालुक्यातील श्री क्षेत्र घोरावडेश्वर दिंडी, वडगांव मावळ येथील तीर्थक्षेत्र श्री पोटोबा महाराज प्रासादिक दिंडी यांना देखील हे वाटप करण्यात आले.
मावळ तालुका पंचायत समितीचे मा.सभापती गुलाबराव म्हाळसकर , वडगांव शहर भारतीय जनता पार्टी चे अध्यक्ष संभाजीराव म्हाळसकर, तीर्थक्षेत्र श्री पोटोबा महाराज देवस्थान संस्थान चे विश्वस्त सचिव अनंता कुडे, विश्वस्त अरुण चव्हाण, वडगांव विविध कार्यकारी सोसायटी चे चेअरमन नारायणराव ढोरे, भाजपा ज्येष्ठ नेते पंढरीनाथ भिलारे , कायदेतज्ञ अजय शहा, मा.नगरसेवक किरण म्हाळसकर, भूषण मुथा, माथाडी नेते महेंद्र म्हाळसकर, अमोल धिडे, संभाजीराव येवले आदी याप्रसंगी उपस्थित होते.
या पावडरचा उपयोग शरीरातील पाण्याची पातळी कमी झाल्यास (निर्जलीकरण) भरून काढण्यासाठी होतो. अतिसार, उलट्या किंवा जास्त घाम येणे यांसारख्या कारणांमुळे शरीरातील पाणी आणि क्षार कमी झाल्यास ही पावडर उपयुक्त ठरते तसेच शरीराला लवकर बरे होण्यास मदत करते.
या उपक्रमाबद्दल वारकरी बंधू भगिनींनी समाधान व्यक्त केले.
