प्रशांत दादा भागवत यांच्याकडून बधलवाडी-मिंढेवाडी गणेश मंडळांना भेट
ग्रामस्थांच्या समस्या जाणून घेत थेट संवाद साधला
मावळ तालुका – मावळ तालुक्यातील सामाजिक व राजकीय क्षेत्रात सक्रिय असलेले प्रशांत दादा भागवत यांनी बधलवाडी व मिंढेवाडी परिसरातील विविध गणेश मंडळांना भेट देऊन कार्यकर्त्यांशी व ग्रामस्थांशी मनमोकळा संवाद साधला. या भेटीदरम्यान भागवत यांचे उत्स्फूर्त स्वागत करण्यात आले.
गणेशोत्सवाच्या पार्श्वभूमीवर झालेल्या या दौऱ्यात अंकुश बधाले, बळीराम मराठे, सुरेश भोसले, रामनाथ बधाले, दत्तात्रय पडवळ, प्रेमराज मिंडे, सोमनाथ पडवळ, निलेश शेवकर, पप्पू डिंबळे, रवी कडलक, लहू बधाले, राहुल भागवत, संतोष मराठे यांसारखे अनेक मान्यवर व ग्रामस्थ मोठ्या संख्येने उपस्थित होते.
ग्रामस्थांच्या समस्या जाणून घेतल्या
गावातील सर्वसामान्यांच्या अडचणी, विकासकामे तसेच मूलभूत सोयीसुविधांबाबत ग्रामस्थांनी भागवत यांच्याशी थेट चर्चा केली. यावेळी त्यांनी उपस्थित समस्यांवर योग्य ती उपाययोजना करण्याचा विश्वास व्यक्त केला. “ग्रामविकासासाठी तुमच्या सोबत सदैव उभा आहे,” असे आश्वासन भागवत यांनी दिले.
लोकसंपर्काची नवी दिशा
गावोगावी भेट देत थेट लोकांशी संवाद साधण्यावर भागवत यांचा भर असून, त्यामुळेच त्यांचा जनाधार सातत्याने वाढताना दिसत आहे. बधलवाडी-मिंढेवाडी परिसरात झालेल्या उपस्थितीमुळे ग्रामस्थांमध्ये आनंदाचे वातावरण होते.
जिल्हा परिषद निवडणुकीकडे वेध
आगामी जिल्हा परिषद निवडणुकीसाठी इच्छुक उमेदवार म्हणून प्रशांत दादा भागवत यांना मिळणारे हे मनापासूनचे स्वागत व लोकांचा उत्स्फूर्त प्रतिसाद हा त्यांच्या राजकीय प्रवासाला निश्चितच मोठा फायदा ठरणार असल्याचे ग्रामस्थांमध्ये व्यक्त होत आहे.
