पोलीस शिपायाला जीवे मारण्याची धमकी. आरोपीला अटक
दिघी : गुरुवार दिनांक ७ ऑगस्ट २०२५ रोजी वाहनावर दंडात्मक कारवाई करत असलेल्या पोलीस शिपाई कल्याण भोसले यांना एका तरुणाने शिवीगाळ करत जीवे मारण्याची धमकी दिली. शासकीय कामात अडथळा निर्माण केल्याप्रकरणी तरुणाला अटक करण्यात आली आहे. प्रकरणी पोलीस शिपाई कल्याण भोसले यांनी दिघी पोलीस ठाण्यात फिर्याद दिली आहे. दिघी पोलिसांनी सैफान भागानगरे (वय २३ राहणार भोसरी) या तरुणाला अटक केली आहे.
पोलिसांनी दिलेल्या माहितीनुसार पोलीस शिपाई कल्याण भोसले हे दिघी आळंदी वाहतूक विभागात नेमणुकीस आहेत. गुरुवारी सायंकाळी ते कर्तव्य बजावत होते नियम भंग करणाऱ्या वाहनांवर दंडात्मक कारवाई करत असताना आरोपी सैफान याने वाहनावर होणारी दंडात्मक कारवाई टाळण्यासाठी शासकीय कामात अडथळा आणला व त्यांनी पोलीस शिपाई भोसले यांना शिवीगाळ करत दगड फेकून मारहाण केली.
यात पोलीस शिपाई भोसले यांच्या डोक्याला मागील बाजूस आणि उजव्या हाताच्या मनगटाजवळ दुखापत झाली तसेच आरोपींनी पोलीस शिपाई भोसले यांना जीवे मारण्याची धमकी दिली.
प्रतिनिधी =गणेश नामदेव भेगडे. ९९२१८०७०११
