कामशेत च्या स्वागत कमानी खालून नागरिकांचा जीव मुठीत घेऊन प्रवास
कामशेत : मावळ पंचक्रोशीतील मोठी बाजारपेठ असलेले शहर म्हणून कामशेत ची ओळख आहे. कामशेत ची लोकसंख्या सुमारे २०ते२५ हजार आहे. येथील बाजारपेठेत कामानिमित्त येणाऱ्या लोकांची मोठी वर्दळ असते. अशा या कामशेत मधील स्वागत कमानीची सध्या दुरावस्था झाली आहे. या स्वागत कमानी खालून अनेक नागरिक पायी व वाहनाने जात असतात या स्वागत कमानीचे पत्रे सध्या मोडकळीस आले आहे.
या स्वागत कमानीचे पत्रे निघत आहे स्वागत कमानीचे पत्रे कधीही खाली पडू शकतात त्यामुळे गंभीर दुर्घटना होण्याची शक्यता आहे. जर काही गंभीर दुर्घटना झाली तर याला जबाबदार कोण? शहरातील सामाजिक कार्यकर्ते कमरूद्दीन शेख यांनी या धोकादायक कमानीचे सर्व पत्रे काढून टाकण्याची मागणी केली आहे. कारण कमानीचे पत्रे कधीही पडू शकतात त्यामुळे मोठी दुर्घटना घडू शकते. कामशेत ग्रामपंचायतने त्वरित या स्वागत कमानीचे पत्रे काढावे असे शेख यांनी सांगितले.
( गणेश नामदेव भेगडे)
