तालुका विधी सेवा समिती वडगाव मावळ व आर्मी लॉ कॉलेज, पुणे यांच्या संयुक्त विद्यमाणे टाकवे बु. ता. मावळ येथे मोफत कायदेविषयक शिबीर उत्साहात संपन्न
वडगांव मावळ : तालुका विधी सेवा समिती, वडगाव मावळ व आर्मी लॉ कॉलेज, पुणे यांच्या संयुक्त विद्यमाणे टाकवे बु. येथे मोफत कायदेविषयक शिबिर मोठया उत्साहात संपन्न झाले. शिबिरासाठी अध्यक्ष तालुका विधी सेवा समिती, तथा अति जिल्हा व सत्र न्यायाधीश डी. के. अनभुले साहेब व जेष्ठ विधीज्ञ रोजेंद्र गाडे पाटील हे प्रमुख मार्गदर्शक म्हणून उपस्थित होते. तसेच आर्मी लॉ कॉलेजच्या प्राचार्या मधुश्री जोशी मॅडम व कॉलेजचे सर्व प्राध्यापक व विद्यार्थी मोठ्या संखेने उपस्थित होते. तसेच टाकवे बु. गावचे सरपंच अविनाश असवले, प्रियाताई मालपोटे, उपसरपंच, ग्रामविकास अधिकारी बाळासाहेब मतकरव ग्रामस्थ मोठया संखेने उपस्थित होते.
सर्वप्रथम सर्व मान्यवरांचा सत्काराचा र्काकम संपन्न झाला व त्यानंतर आर्मी लॉ कॉलेजचे विद्यार्थी यांनी विविध विषयावर पथनाट्य सादरिकरण करून ग्रामस्थामध्ये कायदेविषयक जनजागृती करण्याचा प्रयत्न केला.
तसेच जेष्ठ विधीज्ञ राजेंद्र गाडे पाटील यांनी स्त्रीविषयक कायदयाविषयी मार्गदर्शन केले. तसेच तालुका विधी सेवा समितीचे अध्यक्ष व अति जिल्हा व सत्र न्यायाधीश डी. के. अनभुले यांनी लैंगिक अत्याचार व महिलांचे अधिकार तसेच मोफत विधी सेवा मिळवण्यासाठी विधी सेवा समिती विषयी मार्गदर्शन केले. तसेच कोणकोणत्या घटकांना मोफत विधी सेवा मिळू शकते याविषयी मार्गदर्शन केले.
कार्यक्रमाचे सुत्रसंचालन प्रा. गणेश देशमाणे यांनी केले तर प्रस्ताविक प्राचार्या मधुश्री जोशी मॅडम यांनी केले.
