मावळ तालुक्यातील कासारसाई.पुसाणे आणि आढले धरणाच्या पाणीसाठ्यात वाढ
कासारसाई : मावळ तालुक्यात गेल्या आठ दिवसापासून सुरू असलेल्या पावसामुळे कासारसाई. पुसाणे आणि आढले या धरणाच्या पाणीसाठ्यात वाढ झाली आहे. आठ दिवसापासून पावसाचा जोर वाढला आहे त्यामुळे धरण क्षेत्रात मुसळधार पाऊस असल्याने तीनही धरणाच्या पाणीसाठ्यात वाढ होत आहे.
गेल्यावर्षी १४ मे पर्यंत कासारसाई धरण क्षेत्रात एकूण १.३०२ मिलिमीटर पावसाची नोंद झाली होती. यंदा १५ मे पासून झालेल्या १९५ मिलिमीटर पावसामुळे एकूण वार्षिक पावसाची नोंद आता १.४९७ मिलिमीटर वर पोहचली आहे. कासारसाई धरणात सध्या उपयुक्त पाणीसाठा ३.५३ दशलक्ष घनमीटर असून एकूण पाणीसाठा ४.८५ दशलक्ष घनमीटर वर पोहोचला आहे. सध्या या धरणात २१.९८ टक्के पाणीसाठा उपलब्ध आहे. असाच पाऊस धरण क्षेत्रात पडत राहिल्यास ही धरणे १०० टक्के भरू शकतात अशी माहिती शाखा अभियंता अमर धायगुडे यांनी दिली आहे
प्रातिनिधि. गणेश नामदेव भेगडे
