कामशेतमध्ये ‘क्रिस्टल क्लिनिक’तर्फे लहान मुलांसाठी मोफत दंततपासणी शिबिर
कामशेत (मावळ) : लहान वयातच दातांची योग्य काळजी घेतली गेली तर भविष्यातील अनेक दंतविकार टाळता येऊ शकतात, या उद्देशाने क्रिस्टल क्लिनिक – लहान मुलांचा दवाखाना यांच्या वतीने मुलांसाठी मोफत दंततपासणी शिबिराचे आयोजन करण्यात आले आहे. हे शिबिर दि. ०६ जानेवारी रोजी सकाळी १० ते दुपारी ४ वाजेपर्यंत आयोजित करण्यात आले असून, पालकांनी मोठ्या संख्येने सहभाग नोंदवावा, असे आवाहन करण्यात आले आहे.
या शिबिरात प्रसिद्ध बालदंततज्ज्ञ डॉ. शिखा सिन्हा (बी.डी.एस. ऑनर्स, पीजीडीएचएचएम, अॅडव्हान्स पेडियाट्रिक डेंटिस्ट्री प्रमाणित) या मुलांच्या दातांची सखोल तपासणी करणार आहेत. बदलत्या जीवनशैलीमुळे व चुकीच्या खाण्याच्या सवयींमुळे लहान मुलांमध्ये दात किडणे, दात दुखणे, वाकडे-तिरके दात, तोंडाने श्वास घेण्याची सवय, बोट चोखणे अशा समस्या वाढताना दिसत आहेत. या सर्व समस्यांवर या शिबिरात योग्य मार्गदर्शन व उपचार दिले जाणार आहेत.
शिबिरात गरजेनुसार दात काढणे, किडलेल्या दातांवर पल्पेक्टॉमी व पल्पोटोमी उपचार, मेटल क्राउन बसवणे, दात भरणे, स्केलिंग व पॉलिशिंग, तसेच दात किडू नयेत यासाठी प्रतिबंधात्मक उपचार व फ्लोराईड लावणे यासारख्या सेवा उपलब्ध असतील. याशिवाय जीभ बांधलेली असल्यास टंग-टाय रिलीज, फ्रेनेक्टॉमी, तसेच वाकडे दात सरळ करण्याचे उपचार व चुकीच्या सवयी सोडवण्यासाठी विशेष उपकरणे याबाबतही मार्गदर्शन केले जाणार आहे.
हे शिबिर फुगे कॉम्प्लेक्स, साईबाबा चौक, बाजार, कामशेत, मावळ येथे आयोजित करण्यात आले असून अधिक माहितीसाठी संपर्क क्रमांक : ९०८२३ ८३३२८ वर संपर्क साधावा, असे आवाहन क्लिनिकच्या वतीने करण्यात आले आहे.
प्रतिनिधी=गणेश नामदेव भेगडे.९९२१८०७०११
