मावळ तालुक्यातील शिक्षक राजकुमार वरघडे यांना महाराष्ट्र शिक्षक रत्न पुरस्काराने सन्मानित करण्यात आले.
तळेगाव दाभाडे : येथील रहिवासी व मावळ तालुक्यातील आर्डव गावचे सुपुत्र नूतन महाराष्ट्र विद्या प्रसारक मंडळाच्या पवना विद्या मंदिर( पवनानगर) या शाळेतील समाजशास्त्र विषयाचे शिक्षक राजकुमार भरत वरघडे यांना कोल्हापूर येथील अविष्कार फाउंडेशन यांच्यावतीने राज्यस्तरीय महाराष्ट्र शिक्षक रत्न पुरस्कार देऊन पन्हाळा( कोल्हापूर) येथे सन्मानित करण्यात आले.
याप्रसंगी शिक्षक नेते धनंजय नांगरे, मावळ शिक्षक परिषद अध्यक्ष राम कदमबांडे, मावळ शिक्षक पतसंस्थेचे अध्यक्ष भरत काळे, रियाज तांबोळी, गणेश ठोंबरे, दीपक डांगले, रवींद्र सुखरत आदी उपस्थित होते वरघडे यांना राज्यस्तरीय शिक्षक रत्न पुरस्कार मिळाल्याबद्दल नूतन महाराष्ट्र विद्या प्रसारक मंडळाचे अध्यक्ष माजी राज्यमंत्री बाळा भेगडे, संस्थेचे सचिव संतोष खांडगे यांनी राजकुमार वरघडे यांचे अभिनंदन केले.
राजकुमार वरघडे हे वारकरी संप्रदायाचे अनुयायी असून त्यांच्या घरास शिक्षक सेवेचा वारसा लाभला आहे. वरघडे यांचे वडील ह भ प कै भरत भिकाजी वरघडे हे नूतन महाराष्ट्र विद्या प्रसारक मंडळ या संस्थेत ३५ वर्ष लिपिक या पदावर कार्यरत होते तसेच त्यांचे लहान बंधू विजय भरत वरघडे हेदेखील शिक्षक आहेत. राजकुमार वरघडे यांना राज्यस्तरीय शिक्षक रत्न पुरस्कार मिळाल्याने मावळ तालुक्यातील सर्व स्तरातून त्यांचे अभिनंदन केले जात आहे.
( गणेश नामदेव भेगडे)
