वृद्धाश्रमाला मदत करून वाढदिवस केला साजरा नारायण भेगडे यांचा अनोखा उपक्रम
तळेगाव दाभाडे (प्रतिनिधी) शिक्षण मंडळाचे माजी सभापती उद्योजक नारायण भागुजी भेगडे यांच्या ५५व्या वाढदिवसाच्या निमित्ताने ११ मे २०२५रोजी तळेगाव चाकण रोड येथे असणारा भिसे वृद्धाश्रम मधे नारायण भेगडे व त्यांच्या मित्र परिवारांने वृद्धांसोबत केक कापून वाढदिवस मोठ्या उत्साहात साजरा केला.
यावेळी वृद्धाश्रमाला धान्य व आवश्यक साहित्य देण्यात आले. समाजाचे आपण काहीतरी देणे लागतो म्हणून आपला वाढदिवस या सामाजिक उपक्रमाने साजरा केला असे यावेळी नारायण भेगडे यांनी सांगितले.
यावेळी उद्योजक गणेश वाळुंज म्हणाले की असा उपक्रम प्रत्येकाच्या वाढदिवसाच्या निमित्ताने राबवला पाहिजे. आज तरुण पिढी वाढदिवस फ्लेक्स बोर्ड. पार्टी अशा पद्धतीने साजरा करत असते परंतु नारायण भेगडे यांच्या वाढदिवसाच्या निमित्ताने त्यांनी वृद्धाश्रमातील आजी आजोबांबरोबर आपला वाढदिवस साजरा केला आहे. त्यामुळे समाजात चांगला संदेश जाईल यातून समाजाने प्रेरणा घेऊन समाजाप्रती आपले उत्तरदायित्व निभवावे
यावेळी इंदुरी गावचे माजी सरपंच रमेश घोजगे, धर्मवीर नागरी सहकारी पतसंस्थेचे संचालक केशव कुल, उद्योजक गणेश वाळुंज, संतोष तुकाराम दाभाडे, अशोक शिंदे, भानुदास मराठे, सोमनाथ शिंदे, सोमनाथ वाळुंज, बाळासाहेब बोराडे, प्रदीप भोसले आदी उपस्थित होते.
प्रतिनिधी – गणेश नामदेव भेगडे
