इंदोरीत शेतकऱ्यांसाठी आशेचा दीप; भव्य शेतकरी मेळाव्याचे आयोजन
इंदोरी मावळ : आजच्या बदलत्या काळात शेतकरी अडचणींनी घेरलेला असताना, त्याच्या पाठीशी ठामपणे उभे राहणारे उपक्रमच खरी आशा निर्माण करतात. इंदोरी पंचायत समिती गणातील शेतकरी बांधवांसाठी असाच दिलासादायक आणि प्रेरणादायी उपक्रम राष्ट्रवादी काँग्रेसचे सक्रिय कार्यकर्ते तसेच आमदार सुनील शेळके यांचे खंदे समर्थक सुनिलनाना भोंगाडे यांच्या पुढाकाराने साकारत आहे. शुक्रवार, दि. १९ डिसेंबर २०२५ रोजी सकाळी ११ वाजता इंदोरी-मावळ येथील हनुमान मंदिराशेजारी भव्य शेतकरी मेळाव्याचे आयोजन करण्यात आले आहे.
या मेळाव्याचे वैशिष्ट्य म्हणजे शेतकऱ्यांच्या प्रत्यक्ष उपयोगी पडणाऱ्या साहित्याचे मोफत वाटप. शेती करताना येणाऱ्या खर्चाचा बोजा कमी व्हावा, यासाठी फवारणी पंप (१०० नग), कोळपणी यंत्र (६ नग), १० लिटर क्षमतेचे दुध कॅन (१०० नग) तसेच PARAS आणि Force Quick कंपनीची दर्जेदार उत्पादने शेतकऱ्यांना देण्यात येणार आहेत. यासोबतच लकी ड्रॉ पद्धतीने विविध उपयुक्त साहित्यही मिळणार असल्याने शेतकऱ्यांमध्ये उत्साहाचे वातावरण आहे.
मेळाव्याच्या निमित्ताने उपस्थित शेतकरी बांधवांसाठी स्नेह-भोजनाचे आयोजन करण्यात आले असून, हा कार्यक्रम केवळ मदतीपुरता मर्यादित न राहता आपुलकी, एकोपा आणि सन्मानाची भावना जपणारा ठरणार आहे. “शेतकरी सुखी तर गाव समृद्ध” या भावनेतूनच हा उपक्रम राबवण्यात येत असल्याचे सुनिलनाना भोंगाडे यांनी सांगितले.
या मेळाव्यासाठी नाव नोंदणी व अधिक माहितीसाठी सविता (७७५७८६०९९१) व मेघा (७८४१०८०९९१) यांच्याशी संपर्क साधण्याचे आवाहन करण्यात आले आहे. सुनिलनाना भोंगाडे मित्र परिवार मावळ आणि शिवशक्ती सेवा मंडळ, इंदोरी पंचायत समिती गण यांच्या सौजन्याने होणाऱ्या या मेळाव्याचा लाभ जास्तीत जास्त शेतकरी बांधवांनी घ्यावा, असे आवाहन आयोजकांनी केले आहे.
प्रतिनिधी=गणेश नामदेव भेगडे.मो९९२१८०७०११
