पवनानगर बाजारपेठेत खड्डेच खड्डे
पवनानगर : पवन मावळातील प्रमुख बाजारपेठ असलेल्या पवनानगर येथील चौकामध्ये रस्त्यावर खड्डेच खड्डे पडले असून या रस्त्याची अत्यंत दयनीय अवस्था झाली आहे. रस्त्यात खड्डे आहेत की खड्ड्यात रस्ता आहे असा प्रश्न येथे येणाऱ्या पर्यटकांना व नागरिकांना पडला आहे. पवनानगर बाजारपेठेतील रस्त्याची दुरावस्था झाल्याने बाजारपेठेत येणारे परिसरातील गावांमधील नागरिक व स्थानिक यांना देखील नाहक त्रास सहन करावा लागत आहे.
पावसाळ्यात ही समस्या अधिक तीव्र बनली असून अपघाताच्या घटनाही वाढण्याचा धोका निर्माण झाला आहे. या खड्ड्यांमुळे बाजारपेठेत वाहतूक कोंडी होत असते या मार्गावरून शाळकरी विद्यार्थी. नोकरदार. शेतकरी. पर्यटक यांचा मोठ्या प्रमाणावर वावर असतो. अनेक ठिकाणी खड्डे पडून रस्त्याची अक्षरशः चाळण झाली आहे. या खड्ड्यात पावसाचे पाणी साचल्याने येथून ये -जा करणारे वाहनचालक. प्रवासी. पादचारी. पर्यटक. नागरिक सर्वांनाच अत्यंत त्रास होत आहे. सदर रस्ता लवकरात लवकर दुरुस्त करावा अशी मागणी पवनानगर सह परिसरातील नागरिकांनी केली आहे.
प्रतिनिधी =गणेश नामदेव भेगडे. ९९२१८०७०११
