प्रभाग क्रमांक ११ मध्ये आज भारतीय जनता पार्टीच्या नगराध्यक्ष पदाच्या उमेदवार मृणाल गुलाबराव म्हाळसकर यांनी दौरा करत नागरिकांशी थेट संवाद साधला.
वडगाव | वडगाव नगरपंचायतीच्या सार्वत्रिक निवडणुकांच्या पार्श्वभूमीवर प्रभाग क्रमांक ११ मध्ये आज भारतीय जनता पार्टीच्या नगराध्यक्ष पदाच्या उमेदवार मृणाल गुलाबराव म्हाळसकर यांनी दौरा करत नागरिकांशी थेट संवाद साधला. यावेळी प्रभागातील अभ्यासू आणि कामकाजात पारदर्शकता जपणारे उमेदवार किरण रघुनाथ म्हाळसकर हेही उपस्थित होते.
दौर्यामध्ये नागरिकांनी दोन्ही उमेदवारांचे उत्साहात स्वागत केले. मागील पाच वर्षांत प्रभागात केलेल्या विकासकामांचा आढावा घेताना नागरिकांनी विशेषतः किरण म्हाळसकर यांच्या कार्यपद्धतीचे कौतुक केले. रस्ते दुरुस्ती, स्वच्छता उपक्रम, पाणीपुरवठा सुधारणा तसेच विविध मूलभूत सुविधा मजबूत करण्यासाठी त्यांनी सातत्याने केलेल्या प्रयत्नांची झलक या भेटीत दिसून आली. प्रभागाशी असलेले त्यांचे जवळचे नाते, साधेपणा आणि सर्वांसाठी उपलब्ध राहण्याची कार्यशैली यामुळे लोकांमध्ये त्यांच्याबद्दल विशेष विश्वास निर्माण झाला आहे.
या भेटीदरम्यान मृणाल म्हाळसकर यांनी नागरिकांना आश्वस्त करत सांगितले की, “प्रभाग ११ च्या विकासाचा वेग कमी होऊ देणार नाही. माझ्या आणि किरणजींच्या नेतृत्वाखाली समस्या ओळखून त्यावर तातडीने उपाययोजना केल्या जातील. आमच्याकडे अनुभव आहे आणि तो जनतेच्या हितासाठी वापरण्याची इच्छा आहे.”
प्रभागातील नागरिकांनीही दोन्ही उमेदवारांकडून पुढील काळात अधिकाधिक सुविधा, दर्जेदार मूलभूत सेवा आणि सुसंगत नियोजनाची अपेक्षा व्यक्त केली. वातावरणात निवडणुकीचा उत्साह जाणवत असून या भेटीद्वारे प्रभागातील राजकीय घडामोडींना आणखी वेग मिळाल्याचे स्पष्ट दिसले.
