जिल्हा परिषद निकालातून ठळक झाले सुनील शेळके यांचे नेतृत्व, गटनिहाय उमेदवारांना मिळालेल्या मतांतून राजकीय पकड स्पष्ट
मावळ (प्रतिनिधी): पुणे जिल्हा परिषद सार्वत्रिक निवडणूक–2026 च्या निकालांनी मावळ तालुक्यात आमदार सुनील शेळके यांचे नेतृत्व अधिक भक्कम झाल्याचे स्पष्टपणे समोर आले आहे. जिल्हा परिषदेच्या विविध गटांमध्ये राष्ट्रवादी काँग्रेस समर्थित उमेदवारांना मिळालेली निर्णायक मते ही शेळके यांच्या संघटन कौशल्याची, विकासात्मक राजकारणाची आणि कार्यकर्त्यांवरील विश्वासाची ठोस पावती मानली जात आहे.
🗳️ जिल्हा परिषद – गटनिहाय उमेदवार व मिळालेली मते
सोमाटणे – चांदखेड जिल्हा परिषद गट
➤ मुर्ह मनीषा नितीन – 23,505 मते
कुसगाव (बु.) – काले जिल्हा परिषद गट
➤ राऊत संतोष गाबळू – 17,402 मते
खडकाळे – कार्ला जिल्हा परिषद गट
➤ हुलावळे दिपाली दिपक – 17,693 मते
इंदुरी – वराळे जिल्हा परिषद गट
➤ दाभाडे पल्लवी संदीप – 14,831 मते
टाकवे (बु.) – नाणे जिल्हा परिषद गट
➤ अनंता हनुमंत पावशे – 21,207 मते
सोमाटणे पंचायत समिती
➤ साहेबराव नारायण कारके – 9,218 मते
चांदखेड पंचायत समिती
➤ सुनिता मनोहर येवले – 10,569 मते
कुसगाव (बु.) पंचायत समिती
➤ लोहार योगेश मुरलीधर – 7,287 मते
काले पंचायत समिती
➤ कालेकर शैला रामचंद्र – 10,964 मते
खडकाळे पंचायत समिती
➤ समीर खंडू जाधव – 9,059 मते
इंदुरी पंचायत समिती
➤ ढोरे दिलीप नामदेव – 7,073 मते
टाकवे (बु.) पंचायत समिती
➤ प्राची देविदास गायकवाड – 11,681 मते
नाणे पंचायत समिती
➤ आशा ज्ञानेश्वर मोरमारे – 10,057 मते
कार्ला पंचायत समिती
➤ रेश्मा राजू देवकर – 7,234 मते
वराळे पंचायत समिती
➤राजेंद्र गुलाब कडलक 9656 मते
वरील सर्व गटांमध्ये मिळालेली मते पाहता अनेक ठिकाणी स्पष्ट आणि निर्णायक आघाडी दिसून येते. सोमाटणे व टाकवे (बु.) गटातील मोठे मताधिक्य हे सुनील शेळके यांच्या नेतृत्वाखाली राबविण्यात आलेल्या बूथनिहाय नियोजन, प्रभावी प्रचार आणि स्थानिक प्रश्नांवरील पकड याचे द्योतक आहे.
जिल्हा परिषद निवडणूक ही आमदार सुनील शेळके यांनी प्रतिष्ठेची लढाई म्हणून घेतली होती. उमेदवार निवडीत स्थानिक स्वीकारार्हता, विकासकामांची पार्श्वभूमी आणि कार्यकर्त्यांशी थेट संवाद यावर भर देण्यात आला. त्यामुळे विरोधकांच्या आरोपांपेक्षा विकास आणि विश्वासाचा मुद्दा मतदारांमध्ये अधिक प्रभावी ठरला.
या निवडणुकीत “हा विजय अजितदादांना श्रद्धांजली आहे” अशी भावना कार्यकर्त्यांमध्ये दिसून आली. या भावनिक जोडीतून प्रचार अधिक जोमाने झाला आणि त्याचा थेट फायदा उमेदवारांना मिळालेल्या मतांतून स्पष्टपणे दिसून आला.
जिल्हा परिषदेच्या निकालांनी मावळ तालुक्यात सुनील शेळके हे केवळ आमदार नसून, जिल्हा पातळीवरील राजकारणात निर्णायक भूमिका बजावणारे नेतृत्व असल्याचे पुन्हा एकदा सिद्ध झाले आहे. उमेदवारांना मिळालेली मते आणि गटनिहाय आघाडी पाहता, येणाऱ्या काळात जिल्हा परिषद व तालुकास्तरीय सत्ताकारणात त्यांची भूमिका अधिक प्रभावी ठरणार, हे निश्चित.
