मृणाल गुलाबराव म्हाळसकर यांच्या प्रचाराला वेग — नागरिकांच्या समस्या जाणून घेत घर-घर संपर्क
वडगाव | नगराध्यक्ष पदाच्या भारतीय जनता पार्टीच्या उमेदवार मृणाल गुलाबराव म्हाळसकर यांच्या प्रचाराचा वेग दिवसेंदिवस वाढताना दिसत आहे. शहरातील विविध प्रभागांमध्ये घर-घर जाऊन नागरिकांशी संवाद साधण्याचा उपक्रम सुरू असून, या दौऱ्यात नागरिकांचा उत्स्फूर्त प्रतिसाद मिळत आहे.
प्रचार दौऱ्याच्या अनुषंगाने म्हाळसकर यांनी प्रभाग क्रमांक ८ च्या उमेदवार वैशालीताई रमेश म्हाळसकर, प्रभाग क्रमांक ९ च्या उमेदवार सुप्रिया प्रविण चव्हाण तसेच प्रभाग क्रमांक १ च्या उमेदवार अश्विनी भोरु हीले यांच्यासह परिसरातील नागरिकांची प्रत्यक्ष भेट घेतली. या भेटीदरम्यान नागरिकांच्या अडचणी, स्थानिक समस्या, गरजा आणि अपेक्षा जाणून घेत त्यांच्या आशीर्वादाची परंपरागत पद्धतीने ऊबदार मागणी करण्यात आली.
“प्रभागाच्या सर्वांगीण विकासासाठी तळमळीने काम करण्याचा आमचा संकल्प आहे,” अशी प्रतिक्रिया मृणाल म्हाळसकर यांनी व्यक्त केली. महिलांच्या सुरक्षेच्या व सक्षमीकरणाच्या मुद्द्यांपासून ते तरुणांच्या रोजगाराच्या प्रश्नांपर्यंत प्रत्येक समस्येवर त्वरित आणि प्रभावी तोडगा काढण्याची हमीदेखील त्यांनी दिली.
नागरिकांनी उमेदवारांवर दाखविलेला विश्वास हा आमच्या कामाचा सर्वात मोठा प्रेरणास्रोत असल्याचे सांगत, “सर्वांच्या साथीने संपूर्ण वडगावला विकासाच्या शिखरावर नेणे हाच आमचा ध्यास आहे,” असे म्हाळसकर यांनी सांगितले.
निवडणूक वातावरण तापत असताना, मृणाल म्हाळसकर आणि त्यांच्या टीमचा घर-घरचा प्रचार अधिक जोरदार होत असून, नागरिकांच्या प्रतिसादामुळे या प्रचाराला अधिक बळ मिळत असल्याचे चित्र पाहायला मिळत आहे.
