वडगांव मावळ : आज जागतिक सायकल दिनाचे औचित्य साधून अधिकाधिक प्रवास केवळ सायकल द्वारे करून प्रदूषणाला आळा घालण्यासाठी कार्यरत असणारे वडगाव मावळ येथील ज्येष्ठ साधर्मिक व्यक्तिमत्व रवींद्र नरहर निमकर आणि स्नेहल रविंद्र निमकर या दांपत्याचा भारतीय जनता पार्टी वडगांव शहराच्या वतीने सन्मान करण्यात आला.
वडगांव शहरात अनेक ठिकाणी अधिकाधिक वेळेस हे निमकर दांपत्य केवळ सायकल द्वारेच प्रवास करतात.
श्री राम नाम जाप झाल्यानंतर रवींद्र निमकर यांनी वडगांव शहर स्वच्छ आणि सुंदर व्हावे ही भावना व्यक्त केली.
याप्रसंगी मावळ पंचायत समितीचे माजी सभापती गुलाबराव म्हाळसकर, वडगांव शहर भारतीय जनता पार्टीचे अध्यक्ष संभाजीराव म्हाळसकर, ज्येष्ठ नेते सोमनाथ काळे, तीर्थक्षेत्र श्री पोटोबा देवस्थान संस्थान चे विश्वस्त सचिव अनंता कुडे, वडगांव शहर भाजपा युवा मोर्चा अध्यक्ष आतिश ढोरे, माजी सरपंच नितीन कुडे, सुधाकर ढोरे, रविंद्र निमकर यांचे बंधू प्रकाश निमकर, विलासराव निमकर, लक्ष्मणराव कुलकर्णी, राष्ट्रीय खेळाडू विजयराव काकडे, सागर मराठे, माजी नगरसेवक भूषण मुथा आदी उपस्थित होते.
