वडगांव विविध कार्यकारी सोसायटी संचालक पदी नारायण ढोरे, गोरख ढोरे मनोज गवारे, व चंद्रकांत खांदवे
वडगाव मावळ (प्रतिनिधी) वडगाव विविध कार्यकारी सोसायटी चे संचालक सुभाषराव जाधव, किसनराव भेगडे, अजित वहिले, चंद्रकांत ढोरे यांनी सर्व पक्षीय कार्ड कमिटीचे निर्णयानुसार कार्यकाळ पुर्ण झाल्याने राजीनामे दिल्यानंतर रिक्त झालेल्या पदासाठी निवडणूक अधिकारी एम. ए. कुलकर्णी यांचे अध्यक्षतेखाली निवड जाहीर करण्यात आली.
दिनांक 20 मार्च रोजी झालेल्या दुय्यम निबंधक कार्यालयातील मिटिंग मध्ये वडगाव मधील नारायण मारुती ढोरे, गोरख ढोरे, मनोज गवारे, चंद्रकांत खांदवे यांची बिनविरोध निवड जाहीर करण्यात आली, यावेळी चेअरमन किसनराव वहिले, व्हा. चेअरमन गणेश भालेकर व सर्व संचालक मंडळ उपस्थित होते.
याप्रसंगी भाजपा चे तालुका प्रभारी भास्करराव म्हाळसकर, मा. सभापती गुलाबराव म्हाळसकर, श्री पोटोबा देवस्थान चे अध्यक्ष किरण भिलारे, सचिव अनंता कुडे, तुकाराम ढोरे, अरुण चव्हाण, मा. चेअरमन बाळासाहेब म्हाळसकर, निलेश म्हाळसकर, मा. व्हा. चेअरमन प्रकाश कुडे, पंढरीनाथ भिलारे आदि पदाधिकाऱ्यांनी नवनिर्वाचित संचालकांना शुभेच्छा दिल्या संपूर्ण निवड प्रक्रियेचे कार्यालयीन काम सचिव विजयराव कालेकर यांनी पाहिले.
