वडगाव मावळ दि.13 (प्रतिनिधी) वाहतूक नियमन करणाऱ्या वाहतूक पोलिसाला भरभाव कंटेनरने चिरडले यात वाहतूक पोलिसाचा जागीच मृत्यू ही घटना मंगळवारी (दि.13) रात्री 9:40 वा. वडगाव तळेगाव दाभाडे फाटा पुणे मुंबई महामार्गावर घडली.
मिथुन वसंत धेंडे वय 49 रा. उरुळी कांचन पुणे सध्या वडगाव पोलीस स्टेशन ता.मावळ जि.पुणे अपघातात मृत्यू झालेल्या वाहतूक पोलिसाचे नाव आहे.
पोलीस निरीक्षक कुमार कदम यांनी दिलेल्या माहितीनुसार मुंबई बाजू कडून चाकणकडे जाणाऱ्या भरधाव कंटेनर चालकाने वाहतूक नियमन करणाऱ्या वाहतूक पोलिसाला चिरडले. यात धेंडे यांचा जागीच मृत्यू झाला. कंटेनर चालक चाकण बाजूला वेगाने निघून गेला. कंटेनर चालक हा कार्ला फाटा येथून धोकादायक भरधाव वाहन चालवत असतानाचा, एका तरुणाने व्हिडिओ काढला. पोलिसांना माहिती दिली. पुणे ग्रामीण कंट्रोल वरून कंटेनर थांबविण्याचे आदेश झाल्याने कंटेनर थांबवत असताना, भरभाव वेगाने वाहतूक पोलिसांना चिरडले.
या अपघाताचा तपास वडगाव मावळ पोलीस करत आहे.
14 मे रोजी धेंडे यांचा वाढदिवस होता. या अपघाती निधनाने हळहळ व्यक्त होत आहे.
घटनास्थळी पुणे ग्रामीण पोलीसअधीक्षक पंकज देशमुख, अप्परपोलीसअधीक्षक रमेश चोपडे यांनी भेट दिली. याघटनेचा तीव्र शब्दात निषेध व्यक्त केला. आमच्या पोलिसाचा खून झाला असल्याचे म्हणाले.
