“गणेश मूर्ती विसर्जनासाठी नगरपरिषद उभारलेल्या केंद्रांचाच वापर करा” – मुख्याधिकारी विजयकुमार सरनाईक
तळेगाव दाभाडे : सार्वजनिक गणेशोत्सव २०२५ पर्यावरणपूरक पद्धतीने साजरा व्हावा आणि जलप्रदूषण रोखले जावे या हेतूने तळेगाव दाभाडे नगरपरिषदेने शहरामध्ये विविध ठिकाणी मूर्ती विसर्जन व मूर्तीदान केंद्रांची उभारणी केली आहे. नागरिकांनी तलाव, विहिरी, नदी व नैसर्गिक जलस्रोतांमध्ये मूर्तीचे विसर्जन न करता केवळ या केंद्रांवरच विसर्जन किंवा मूर्तीदान करावे, असे आवाहन नगरपरिषदेचे मुख्याधिकारी विजयकुमार सरनाईक यांनी केले आहे.
घरगुती विसर्जनासाठी इच्छुक नागरिकांना अमोनियम बायकार्बोनेट पावडरचे मोफत वाटप नगरपरिषद कार्यालय व संत ज्ञानेश्वर प्राथमिक शाळा क्र.६ येथे केले जात आहे.
गणेशोत्सव काळात दररोज निर्माल्य संकलनासाठी ट्रॅक्टरद्वारे निर्माल्य कलश फिरविण्यात येतील. मूर्तीदान केंद्रांवरही स्वतंत्र निर्माल्य कलश उपलब्ध करून देण्यात आले आहेत. नागरिक व सार्वजनिक गणेश मंडळांनी निर्माल्य इतरत्र न टाकता फक्त या कलशातच टाकावे, असेही आवाहन करण्यात आले आहे.
विसर्जन केंद्र
१) नगरपरिषद कार्यालय मागे – नथूभाऊ भेगडे पाटील शाळेचे मैदान
२) गाव तळे – अमर खडकेश्वर मंदिर जवळ
३) जुनी नगरपरिषद समोर – शिवशंभू स्मारक
४) यशवंतनगर (गोल ग्राउंड)
५) संत ज्ञानेश्वर प्राथमिक शाळा क्र.६ (गुलाबी शाळा)
६) डी-मार्ट शेजारी – ईगल तळे
७) डाळ आळी – गोपाळे गुरुजी घर समोर
मूर्तीदान केंद्र
नगरपरिषद सध्याचे कार्यालय
नागरिकांसाठी हेल्पलाईन
गणेशोत्सवाशी संबंधित कोणतीही समस्या असल्यास :
📞 टोल फ्री क्रमांक: १८००-२३३-२७३४
📱 WhatsApp क्रमांक: ९८९०६१६०८९
प्रतिनिधी : गणेश नामदेव भेगडे (मो. ९९२१८०७०११)
