तळेगावातील सह्याद्री इंग्लिश मीडियम स्कूलमध्ये नव्या शैक्षणिक वर्षात प्रवेश घेणाऱ्या विद्यार्थ्यांचे मोठ्या उत्साहात स्वागत करण्यात आले
तळेगाव दाभाडे: शहरातील सह्याद्री इंग्लिश मीडियम स्कूलमध्ये शुक्रवार दिनांक १३ जुन २०२५ रोजी नव्या शैक्षणिक वर्षात प्रवेश घेणाऱ्या सर्व विद्यार्थ्यांचे मोठ्या उत्साहात स्वागत करण्यात आले. सरस्वती पूजनाने कार्यक्रमाची सुरुवात करण्यात आली.
यावेळी वेगवेगळ्या शारीरिक शिक्षणाच्या खेळाने तसेच टाळ्यांच्या गजरात गाण्यांच्या तालावर हसतमुखाने मुख्याध्यापिका सोबत सर्व शिक्षकांनी या विद्यार्थ्यांचे स्वागत केले. नाविन्यपूर्ण पद्धतीने डोरेमोन आणि मिकी माऊस हे कार्टून विद्यार्थ्यांचे केंद्रबिंदू ठरले.
बहारदार सांस्कृतिक कार्यक्रमामध्ये सर्व विद्यार्थी रंगून गेले होते. नृत्य. नाटक. कविता याबरोबरच लाठी. काठी. दानपट्टा या मर्दानी खेळाने विद्यार्थ्यांचे लक्ष वेधून घेतले. सेल्फी पॉईंटवर व मिकी माऊस डोरेमोन बरोबर विद्यार्थ्यांचे यावेळी फोटो काढण्यात आले.
कार्यक्रमानंतर पालक सभा घेण्यात आली. या पालक सभेत शैक्षणिक वर्षाच्या सर्व आवश्यक बाबी त्यांना सांगण्यात आल्या तसेच यावेळी शाळेत होणाऱ्या सर्व कार्यक्रम व अन्य गोष्टींची पालकांना ओळख करून देण्यात आली. या कार्यक्रमाचे सूत्रसंचालन व नियोजन हेमा कोळेकर व नेहा घुले या सहशिक्षकांनी केले. या वेळी अनेक लहान विद्यार्थी व त्यांचे पालक मोठ्या संख्येने उपस्थित होते.
प्रतिनिधी =गणेश नामदेव भेगडे. ९९२१८०७०११
