तळेगावात बुलेट रोड रोमिओंचा हैदास. शालेय विद्यार्थिनी सह महाविद्यालयीन युवती व नागरिक त्रस्त
तळेगाव दाभाडे : शहरात अनेक दिवसापासू बुलेट दुचाकी धारक रोड रोमिओंचा हैदास सुरू असून शालेय विद्यार्थिनींसह महाविद्यालयीन युवती. महिला व शहरातील वेगवेगळ्या रहिवासी भागातील नागरिकांना या बुलेटच्या कर्णकर्कश आवाजाचा त्रास सहन करावा लागत आहे. तळेगावातील व परिसरातील अनेक युवक आपल्या बुलेटच्या सायलेन्सर मध्ये फेरबदल करून कर्णकर्कश आवाज करत परिसरात फिरताना दिसत आहे.
यामुळे तळेगाव व परिसरातील ज्येष्ठ नागरिक. विद्यार्थी आणि सामान्य नागरिकांना त्रास सहन करावा लागत आहे. वाहतुकीच्या नियमांचे उल्लंघन करीत हे बुलेट स्वार वाहनांवर फॅन्सी नंबर प्लेट बसवत असून बुलेट चा ओरिजनल सायलेन्सर काढून त्या ठिकाणी मॉडीफाय सायलेन्सर बसवून. भरधाव वेगाने बुलेट चालवत आहे .
मोठ्या प्रमाणात फटाक्याचा आवाज करणाऱ्या बुलेट धारकांवर पोलीस प्रशासनाकडून कारवाईची अपेक्षा नागरिकांकडून व्यक्त केली जात आहे. तसेच शाळा कॉलेज परिसरात वाहतूक पोलीस कर्मचारी व दामिनी पथक यांनी ॲक्शन मोडवर येऊन कारवाई करणे गरजेचे आहे असे मत अनेक शालेय युवतींनी व्यक्त केले आहे. कर्णकर्कश बुलेट राजावर पोलीस प्रशासन कडक पावले उचलणार का? हे पाहणे महत्त्वाचे ठरणार आहे.
प्रतिनिधी =गणेश नामदेव भेगडे. ९९२१८०७०११
