तळेगावात विनापरवानगी फ्लेक्स बाजी
तळेगाव दाभाडे: स्वच्छ व सुंदर तळेगाव ही संकल्पना आता नावापुरतीच राहिली आहे. शहरातील रस्ता म्हणू नका. चौक म्हणू नका जागा दिसेल तिथे विनापरवानगी फ्लेक्स लावले जात आहे. फ्लेक्स लावण्याची चढाओढ सध्या शहरात पाहायला मिळत आहे. शहरात मोठ्या प्रमाणावर विनापरवानगी फ्लेक्स चे पेव दिवसेंदिवस वाढत आहे.
राजकीय व्यक्तींनी अनाधिकृत फ्लेक्स लावायचे शहराला बकालपणाचे स्वरूप द्यायचे व त्यांनीच पालिका अधिकारी काम करत नाही म्हणून आरडा ओरड करायची. बांधकाम व्यवसायिकांचे फ्लॅट विक्रीचे अनाधिकृत फ्लेक्स अद्यापही शहरातील विद्युत खांबावर झळकताना दिसत आहे. काही बांधकाम व्यवसायिक हे शहराच्या बाहेर चे असून देखील ते सुद्धा तळेगावात येऊन अनाधिकृत फ्लेक्स लावत आहे. अनधिकृत फ्लेक्स वर दंड आकारला गेलेले पाहायला मिळत नाही.
शहरात अनेक ठिकाणी असे अनधिकृत फ्लेक्स लावल्यामुळे शहराच्या सौंदर्यावरही नकारात्मक परिणाम होत आहे अनधिकृत फ्लेक्स लावणाऱ्यांकडून दंड वसूल केला तर त्यांनाही जरब बसेल. व शहरातील बकालपणा कमी होईल. फ्लेक्स लावण्यासाठी परवानगी लागते हे माहीत असून देखील शासनाच्या नियमाचे सर्रास उल्लंघन केले जात आहे. तळेगाव दाभाडे नगर परिषदेच्या संबंधित विभाग का? या अनधिकृत फ्लेक्स कडे लक्ष देत नाही हा प्रश्न शहरातील नागरिकांना सतावत आहे. यातील अनेक फ्लेक्स हे अगदी नगरपरिषदेच्या हाकेच्या अंतरावर लावलेले आहे.
प्रतिनिधी :गणेश नामदेव भेगडे.
