रवींद्र जगदाळे यांची आंतरराष्ट्रीय अध्यक्षपदी निवड
तळेगाव दाभाडे : येथील इतिहास अभ्यासक. शिवकालीन शस्त्र व युद्धकला अभ्यासक. मोडी लिपी चे तज्ञ. श्री तुळजाभवानी मर्दानी खेळ प्रशिक्षण व सांस्कृतिक सेवा संघाचे रवींद्र भाऊसाहेब जगदाळे यांची स्वाभिमानी मराठा महासंघाच्या इतिहास आघाडीच्या आंतरराष्ट्रीय अध्यक्षपदी निवड झाली. जगदाळे यांनी आजपर्यंत हजारो जणांना शिवकालीन मर्दानी खेळाचे प्रशिक्षण दिले आहे.
तसेच देशभर त्यांचे शिवकालीन मर्दानी खेळाचे प्रात्यक्षिके झाले असून शिवकालीन शस्त्र यांचा हजारोच्या संख्येने त्यांच्याकडे साठा आहे. याविषयी बोलताना रवींद्र जगदाळे म्हणाले की हि जबाबदारी माझ्यासाठी सन्मानाची असून मराठा समाजाच्या गौरवशाली इतिहासाचा जागर देशोदेशी घडवण्याचे व्रत मी घेऊन कार्यरत राहीन उमेदीने प्रामाणिकपणे आणि सहकाऱ्यांच्या एकजुटीने समाजासाठी कार्य करणार आहे.
आपले सर्वांचे प्रेम विश्वास आणि पाठबळ अशीच माझ्या पाठीशी राहो. जगदाळे यांची आंतरराष्ट्रीय अध्यक्षपदी निवड झाल्याने सर्वत्र त्यांचे अभिनंदन होत आहे.
प्रतिनिधी :गणेश नामदेव भेगडे.
