तळेगाव दाभाडे येथे रक्तदान शिबिराचे आयोजन
तळेगाव दाभाडे : समाजातील प्रत्येक घटकासाठी अत्यंत महत्त्वाचे असलेल्या रक्तदान या पुण्यकार्याला चालना देण्यासाठी विक्रांत मित्र मंडळ तळेगाव दाभाडे यांच्या वतीने भव्य रक्तदान शिबिराचे आयोजन करण्यात आले आहे. हे शिबिर दिवंगत क्रियाशील कार्यकर्ते कै. सागर आत्माराम शेडगे यांच्या स्मरणार्थ आयोजित करण्यात आले असून, पुना सिराॅलाॅजिकल इंस्टिट्यूट ब्लड बँक, पुणे यांचे विशेष सहकार्य लाभले आहे.
हे शिबिर गुरुवार, दिनांक २८ ऑगस्ट २०२५ रोजी सकाळी ९:०० वाजता तळेगाव दाभाडे येथील राजवाडा जवळील विक्रांत मित्र मंडळाच्या सभागृहात पार पडणार आहे.
रक्तदान शिबिराचे उद्देश :
रुग्णालयांना आवश्यक तेव्हा रक्ताचा पुरवठा करणे.
गरजूंना वेळेवर रक्त सहज उपलब्ध करून देणे.
समाजात रक्तदानाविषयी जागरूकता निर्माण करणे.
युवकांना रक्तदानासाठी प्रेरित करणे.
रक्तदान ही केवळ गरज नसून सामाजिक जबाबदारी आहे. एका वेळेस दिलेले रक्त अनेक रुग्णांचे प्राण वाचवू शकते. म्हणूनच नागरिकांनी या रक्तदान शिबिरात उत्स्फूर्त सहभाग घ्यावा, असे आवाहन आयोजक मंडळाने केले आहे.
प्रतिनिधी : गणेश नामदेव भेगडे – ९९२१८०७०११
