दादर बोरवली बसेस बंद लोकप्रतिनिधी उदासीन दीपक जयवंत यांचे प्रतिपादन
तळेगाव दाभाडे : चार वर्षापासून तळेगाव बस डेपो मधून सुटणाऱ्या दादर तळेगाव बोरवली एसटी बसेस बंद आहेत आमदार, खासदार, मुख्यमंत्री, उपमुख्यमंत्री, परिवहन मंत्री, एसटी परिवहन, स्वारगेट पुणे यांना वेळोवेळी पत्रे दिली परंतु काहीही सुधारणा नाही.
बाहेरून येणाऱ्या एसटीमध्ये दिवाळी गणपती नवरात्री या सणावारीस प्रवाशांना बसण्यास जागा मिळत नाही. तळेगावातील अनेक ज्येष्ठ नागरिकांची मुले मुली मुंबई ठाणे येथे स्थायिक असल्यामुळे त्यांना वारंवार मुंबई ठाणे येथे जावे लागते. रेल्वेमधून प्रवास करताना ज्येष्ठांना फार त्रास होत आहे. परंतु लोकप्रतिनिधींना त्यांचे काहीच वाटत नाही असे दिसते. बहुदा निवडणुका झाल्या म्हणून की काय याची जरुरी लोकप्रतिनिधींना वाटत नाही.
नगरपालिका निवडणुका जवळ येत आहे. वरील दोन्ही एसटी सेवा सुरू न झाल्यास जनतेमध्ये निवडणुकीत पडसाद उमटताना दिसतील. नुकत्याच तळेगाव बस डेपोला नवीन पाच एसटी बस गाड्या मिळाल्या आहेत त्यापैकी काही एसटीची दादर बोरवली बस सेवा सुरू करावी अशी मागणी सामाजिक कार्यकर्ते दीपक जयवंत यांनी केली आहे.
प्रतिनिधी :गणेश नामदेव भेगडे.
