पंचायत समितीतील आंदोलन तात्पुरते स्थगित सामाजिक कार्यकर्ते शोभिनाथ भोईर
वडगाव मावळ : सामाजिक कार्यकर्ते शोभिनाथ भोईर यांनी गुरुवार, दि. १८ डिसेंबर २०२५ रोजी पंचायत समिती कार्यालयात गाढव आणून आंदोलन करण्याचा इशारा दिला होता. मात्र सदर आंदोलन तात्पुरते स्थगित करण्यात आल्याची माहिती त्यांनी दिली आहे.
या संदर्भात वडगाव मावळ पोलीस स्टेशनचे पोलीस निरीक्षक, पंचायत समितीचे गटविकास अधिकारी सुपे साहेब तसेच ज्येष्ठ शिवसैनिक उपजिल्हाप्रमुख भारतदादा ठाकूर यांच्या उपस्थितीत पोलीस स्टेशनमध्ये सकारात्मक चर्चा झाली. चर्चेदरम्यान सामाजिक कार्यकर्ते शोभिनाथ भोईर यांनी उपस्थित केलेल्या विविध मुद्यांवर सविस्तर विचारविनिमय करण्यात आला.
या बैठकीनंतर गटविकास अधिकारी यांनी संबंधित विषयांवर योग्य ती कारवाई करण्यात येईल, असे आश्वासन देत लेखी पत्र दिले. प्रशासनाकडून लेखी स्वरूपात कारवाईचे आश्वासन मिळाल्यामुळे नियोजित आंदोलन तात्पुरते स्थगित करण्याचा निर्णय घेण्यात आला आहे.
प्रशासनाने दिलेल्या आश्वासनांची अंमलबजावणी होईल, अशी अपेक्षा व्यक्त करत शोभिनाथ भोईर यांनी सर्व नागरिकांनी या निर्णयाची नोंद घ्यावी, असे आवाहन केले आहे. भविष्यात कारवाई न झाल्यास पुढील आंदोलनाचा इशारा देण्यात आला आहे.
प्रतिनिधी=गणेश नामदेव भेगडे.मो९९२१८०७०११
