पल्स पोलिओ मोहिमेस उत्स्फूर्त प्रतिसाद : १२ हजारांहून अधिक बालकांना पोलिओ डोस
तळेगाव दाभाडे – प्राथमिक आरोग्य केंद्र.रोटरी क्लब गोल्डन तळेगाव दाभाडे आणि रोटरी आशा सेविका ग्रुप यांच्या संयुक्त विद्यमाने रविवारी (दि. १२ ऑक्टोबर) पल्स पोलिओ मोहिमेचे आयोजन करण्यात आले. या मोहिमेला तळेगाव शहर व ग्रामीण भागातील नागरिकांचा उत्स्फूर्त प्रतिसाद लाभला.
या दिवशी तळेगाव शहरात ५ वर्षांखालील ७१७२ आणि ५ वर्षांवरील ६४, अशा एकूण ७२३६ बालकांना, तर तळेगाव ग्रामीण भागात ५ वर्षांखालील ४८९९ आणि ५ वर्षांवरील २९, अशा एकूण ४९२८ बालकांना पोलिओ प्रतिबंधक डोस देण्यात आला.
त्यामुळे एकूण १२,१६४ बालकांचे लसीकरण करण्यात आले.
ज्या बालकांना रविवारी केंद्रावर पोलिओचा डोस घेता आला नाही, त्यांच्यासाठी विशेष घरपोच लसीकरण मोहीम राबवण्यात आली. सोमवार (दि. १३ ऑक्टोबर) रोजी ११० आणि मंगळवार (दि. १४ ऑक्टोबर) रोजी १३५ बालकांना आशा सेविकांनी घरी जाऊन पोलिओचे थेंब पाजले.
मोहिमेच्या यशस्वीतेसाठी रोटरी आशा सेविका ग्रुप (RCC) तर्फे शहरात जनजागृती रॅली काढण्यात आली. तसेच रोटरी क्लब गोल्डन तळेगावच्या वतीने शहर व ग्रामीण भागात बॅनर्स लावून व्यापक प्रसार करण्यात आला.
या उपक्रमाबाबत रोटरी क्लब गोल्डन तळेगावचे अध्यक्ष रो. संतोष शांताराम परदेशी म्हणाले,
> “संपूर्ण जगातून पोलिओ निर्मूलन करण्याचा संकल्प रोटरी क्लबने केला आहे. त्या माध्यमातून रोटरी समाजाच्या आरोग्य संवर्धनासाठी मोठे कार्य करत आहे.”
कार्यक्रमात उपाध्यक्ष रो. प्रशांत ताये, सचिव रो. प्रदीप टेकवडे, क्लब ट्रेनर रो. दीपक फल्ले, तसेच रो. प्रदीप मुंगसे, रो. राकेश गरुड, रो. बसप्पा भंडारी आदी मान्यवर उपस्थित होते.
या मोहिमेचे नियोजन प्रोजेक्ट चेअरमन रो. किरण ओसवाल आणि रो. सौरभ मेहता (मेडिकल डायरेक्टर) यांनी केले. मार्गदर्शन प्राथमिक आरोग्य केंद्राचे अधीक्षक डॉ. मनोज चौधरी व डॉ. भारती पोळ यांनी केले.
रोटरी आशा सेविका ग्रुपच्या अध्यक्षा सौ. अनिता भेगडे, उपाध्यक्षा सौ. मंदाकिनी साळवे, सचिव सौ. वैशाली मेठल, एडमिन डायरेक्टर सौ. शालिनी रणभरे आणि सर्व आशा सेविकांनी लसीकरण मोहिमेला यशस्वी करण्यासाठी विशेष परिश्रम घेतले.
प्राथमिक आरोग्य केंद्रातील सर्व डॉक्टर, नर्स व आरोग्य कर्मचारी यांनी देखील समर्पितपणे कार्य करून या उपक्रमाला यश मिळवून दिले.
प्रतिनिधी=गणेश नामदेव भेगडे.मो९९२१८०७०१११
